محسن صالح: «قولت لرئيس المصري الخطيب لا تدعيه في فرح ولا في عزا»

كشف محسن صالح رئيس لجنة التخطيط السابق بالنادي الأهلي كواليس زيارة محمود الخطيب في للنادي المصري في بورسعيد ومؤازرته أمام فريق كوتوكو بطل غانا.
وقال محسن صالح في تصرحات تليفزيونية: «الخطيب ذهب لمساندة المصري في مباراة الأشانتي كوتوكو سنة 1999 واستاد بورسعيد كله وقف يهتف ب اسمه».
اقرأ أيضًا: محسن صلاح: مباديء الخطيب وراء استمرار معلول في الأهلي
وتابع محسن صالح: «يوم المباراة دي فوجيء جمهور بورسعيد ورئيس النادي عبدالوهاب قوطة وأنا وكل النجوم بمحمود الخطيب يحضر لاستاد بورسعيد لمؤازرة المصري أمام كوتوكو في كأس الأندية الأفريقية الأبطال، والحقيقة كانت زيارة موفقة للغاية وكان في رغبة من الخطيب والحاج عبدالوهاب قوطة لحضور بيبو ويارب المشكلة الحالية تنتهي وترجع الأمور طبيعية».
وتابع محسن صالح: «يومها الاستاد كله وقف يهتف للخطيب، والخطيب على فكرة كان محبوب جدا من جماهير بورسعيد، ونال تشجيع جنوني، وكانت الجماهير دائما تشجع عبدالوهاب قوطة قبل أي مباراة مهمة للمصري وتهتف باسمه يومها لما دخل مع الخطيب محدش جاب سيرته واستاد بورسعيد كله كان بيبو بيبو وبس».
وأضاف محسن صالح: «يومها بالليل قابلت الحاج عبدالوهاب قوطة فقلت له: يا راجل حد يجيب الخطيب ويمشي معاه، قال لي ليه فيه أيه، قلت له هو خد اللقطة كلها، وقلت له على فكرة الخطيب لا تدعيه في فرح ولا تدعيه في عزاء».
وأوضح محسن صالح: «لو دعيت الخطيب في فرح هياكل الجو ولو فيه ميتم وعزا الناس بتنسى الحزن وتروح تتصور معاه، ده يا راجل ده في ماتش اعتزال مصطفى عبده قدام الكويت، دخل حارس الكويت بالبوكس في وش الخطيب كسره والدنيا اتقلبت والإذاعة الداخلية في الاستاد تنده لو فيه دكتور عظام موجود يلحقنا والاستاد كله بقه بيبو بيبو، فمصطفى عبده قال لي حتى يوم اعتزالي وتكريمي الجماهير بتهتف للخطيب برضه».