«معاكم أقوى رعاية في أفريقيا».. خالد الغندور يوجه رسائل نارية لجماهير الأهلي

وجه خالد الغندور، نجم الزمالك السابق، رسائل نارية لجماهير النادي الأهلي قبل مباراة الأهلي والترجي التونسي في نهائي دوري أبطال أفريقيا والزمالك ونهضة بركان المغربي، في نهائي الكونفدرالية.
وكتب خالد الغندور، عبر صفحته الرسمية على موقع التواصل الاجتماعي «فيس بوك»: «عمر ما فيه زملكاوي قلل من دوري الأبطال والعكس هو اللي صحيح كثير من الأهلاوية بيقللوا من الكونفدرالية طالما الزمالك وصل النهائي وكمان بيتريقوا وبيقولوا على الأندية مراكز شباب ولما ترد عليهم وتفحمهم يعملوا نفسهم هما اللي مظلومين».
وأضاف: «يا حبيبي إنت اللي بتقلل وأنا عمري ما قلت إن الكونفدرالية أقوى من دوري الأبطال ولكن إنت مش بتلعب مع أندية عالمية والدليل إن بتوع الكونفدرالية اللي إنت بتتريق عليهم فريق كسبك بداية الموسم ده في السوبر الأفريقي اسمه اتحاد العاصمة وحصل على البطولة والزمالك لسه كسبانك في الدوري ونهضة بركان كسبت الوداد اللي وصل معاك اكثر من مرة للنهائي ودريمز اللي انت بتتريق عليه كان معاك نادي اسمه ميدياما بطل الدوري الغاني مش فريق عالمي ودريمز كسبه في الدوري والكاس ونادي فيوتشر مش فريق ضعيف مثله مثل سيمبا ويانج افريكانز منهم اللي كسبك ومنهم اللي أتعادل معاك ومنهم اللي كسبته يعني عادي».
وتابع: «في النهاية إنت معاك منتخب مصر وأغنى نادي وأقوى رعاية في أفريقيا كلها وأعلى عقود لاعبين باليورو والدولار ومعاك أغلى مدرب أجنبي في القارة السمراء يبقي ركز مع فريقك وتمني له الفوز وأنا اركز مع فريقي وأتمنى له الفوز».