أكدت الفنانة إلهام شاهين أهمية مشروع «أرشيف الفنانين» الملم لتاريخ النجوم من أعمال فنية وانجازات. وقالت إلهام شاهين في مداخلة هاتفية ببرنامج «مصر جديدة»: «أرشيف الفنانين حاجة مهمة بشكل عام وبشكل خاص لكل فنان، في وقت هييجي هنفتكر إيه ولا ايه، بشتغل بقالي 40 سنة، هفتكر ايه ولا ايه؟ عديت ال100 فيلم وأكتر من 50 مسلسل ومسرحيات كتير حتى لما جيت أتكرم في مهرجان المسرح قلتلهم أنا عاملة 8 مسرحات مشتغلتش كتير قوي، لقيت إن أنا اتعمل عني كتاب وأنا عاملة 25 مسرحية». إلهام شاهين وحفظ أرشيفها باستخدام الذكاء الاصطناعي وأضافت إلهام: «في مسرحيات معمولة للتلفزيون بعد عرضها أسبوعين فقط وانا نسيتها رغم انها أعمال مهمة جدا من الأدب العالمي، بنسى خدت كام جايزة واتكرمت في دول ايه، اللي عايز يعمل قصة حياة فنان ممكن يخش على الموقع ده يعرف كل حاجة لحد ما مات لأنه بيحافظ على تراث الفن المصري وكل ما يقدم في الفن المصري موجود عندنا محتفظين بيه». وتابعت إلهام حديثها عن المشروع: «كمان ده بيوضح شخصية الفنان واراءه اختلفت ازاي على مدار السنين» مشروع أرشيف الفنانين يأتي ذلك بعد تعاقد عدد من الفنانين والنجوم على تنفيذ فكرة مشروع مبتكرة لتجديد أرشيفهم الفني والحفاظ على ذكريات مشوارهم، من خلال الرقمنة والذكاء الاصطناعي أبرزهم إلهام شاهين، محمود حميدة، بشرى، بسمة، أحمد زاهر، شيري عادل. اقرأ أيضًا: نجوم الفن يهنئون الأقباط بعيد القيامة وشم النسيم: «نتمنى لكم دوام الفرح والسلام» خالد الصاوي: أحتفظ بأرشيفي منذ 35 عاما والرقمية تخدم توثيق لحظات الفنان الهامة (صور)
