ردت الفنانة نيللي كريم على تصريحات الفنان باسم سمرة الاخيرة في برنامج «رامز جاب من الآخر»، الذي قال خلاله عن عمل كان سيجمعهما لكنها رفضت لأنها طلبت مشاركة زوجها الفنان هشام عاشور، حيث قال سمرة من قبل أنها تعلمت منه التمثيل. رد نيللى كريم على تصريحات باسم سمرة وتحدثت نيللي كريم خلال لقائها ببرنامج «تفاعلكم» قائلة: «الكلام ده محصلش أنا آخر مرة اشتغلت مع باسم كانت في مسلسل»ذات«، من أكتر من 10 سنين، وبعدها مجتش فرصة أو أي عمل يجمعنى انا وهو، وكل الكلام اللي هو قاله مش حقيقي». وأضافت: «هو بيقول إني اتعلمت منه التمثيل، فأنا بتعلم كل يوم لو مخرج بشتغل معاه لأول مرة أو ممثل، واتعلمت منه أه طبعا باسم سمرة هوأستاذ كبير، بالنسبة ليا مسلسل»ذات«هو كان عمل هم ودور كان يخض، وإني أتعلم منه مش عيب». رد هشام عاشور على تصريحات باسم سمرة وكان رد هشام عاشور زوج الفنانة نيللي كريم على تصريحات الفنان باسم سمرة عنه وعن زوجته، خلال حلوله ضيفا في برنامج «رامز جاب من الآخر»، مع الفنان رامز جلال. ونشر هشام عاشور فيديو على حسابه الرسمي على موقع «انستجرام» وقال: «أنا عارف أن الناس كلها عمالة تبعت والناس كلها بتحب ال Action، تموت وتتفرج على اتنين بيموتوا بعض، عشان أرد بس على القصة بتاعت أستاذ باسم سمرة، دا رجل ممثل محترف ورجل لطيف جدا وقلبه أبيض، وجدع وأنا عن نفسي بحبه جدا، وأتمنى أشتغل معه في يوم من الأيام». وأضاف: «هو من الآخر اتاخد على خوانة، التاني قاله أنا أخوك، أنا حبيبك تعالى بس نقعد مع بعض، واحنا خارج التسجيل، وهشام عاشور ونيللي كريم، والتاني بيعلي الإفيه بكلمتين ساعات وانت دمك خفيف بتعلي الإفيه عادي يعني، وصورها ونزلها، تخيل أنا قاعد مع أخويا بنتكلم عن ابن خالتي، أو حد قريب مننا وبنقول مثلا دا مراته كذا دا حصل كذا، عادي بنتكلم في موضوع بتحصل يعني، يقوم مصورني أخويا ومنزلها في كل حتة ومخلي منظري وحش». View this post on Instagram A post shared by Hisham Ashour (@hishamashour1) اقرأ أيضا: باسم سمرة عن خلافه مع نيللي كريم: «اختارت جوزها يمثل مكاني».. الحلقة الأولى من «رامز جاب من الآخر»
