كشفت الفنانة هالة صدقي عن سعادتها الشديدة بعد نجاحها في شخصية صفصف الملكة، معتبرة نجاحها هو نجاح لبنات جيلها بأكمله. وأضافت في لقائها مع الإعلامية منى الشاذلي في برنامج معكم منى الشاذلي على قناة CBC: «بعتبر نجاحي في مسلسل جعفر العمدة هو نجاح لبنات جيلي كله، فهما مش مهتمين بينا، وبينزلونا درجة ثانية، وبيحاولوا باستمرار ميدوناش حقنا ولا يستغلوا خبراتنا، ويستسهلوا في إختياراتهم». وأردفت: «دي مشكلة اللي هواجهها بعد كده، فبعد نجاح جعفر العمدة كل الأدوار إلى هتتعرض على شبه صفصف، وده حصلي بعد نجاح توحيدة في أرابيسك، فأنا من حبي وخوفي على شخصية توحيدة رفضت الاستمرار في السكة الشعبية». واستطردت: «صفصف تشبهني فأنا شعنونة، فأنا لا أذوق الكلام، القريبين مني عارفين التفصيلة دي، فأنا أقول الحاجة من غير فلتر واللي في قلبي على لساني على طول، بجانب خفة الدم ودي أكتر من صفصف بكتير».