احنا ماشيين بالعلاج.. بدرية طلبة ل ياسمين عز: «الكلكيعة اللي في قلبي منك زادت»

انتقدت الفنانة بدرية طلبة، تصريحات الإعلامية ياسمين عز، ببرنامجها «كلام الناس»، والتي جاء من بينها: «المهندس حياته جافة كلها مربعات ومثلثات مراته لازم تحسسه بالحنان، دلعي جوزك الباشمهندس أحمد وهيفتحلك البلكونة يخليكي تشوفي النيل من التجمع».
وقالت طلبة فى فيديو على خاصية «إستوري»، على موقع الصور والفيديو «إنستجرام»: «احنا ماشيين بالعلاج الله يسترك يا ياسمين، كل واحدة فينا فيها اللي مكفيها، الناس بتكح تراب، الكلكيعة اللي في قلبي منك زادت، شفنا دلع كتير لكن أول مرة اسمع أن واحدة تدلع زوجها بمد في اسمه احمااااااد، محماااااااد لو قلت لجوزي كدة هيديني بطبق الملوخيه، انتي كدة بتوقعي بين الأزواج، ممكن يكون قصدك خير لكن النتيجة تأتي عكسية، لا وقت للدلع المرق، انتي يا ياسمين خليتينا نكلم نفسنا».