روبي: «حبيبي سابني بسبب الأغاني.. واشتغلت موديل علشان أوفر فلوس الدروس»

حلت الفنانة روبي، أمس ضيفة على الإعلامية منى الشاذلي ببرنامج «معكم»، الذي يذاع على شاشة cbc، وفور حلولها ضيفة تصدر أسم النجمة تريند مواقع التواصل الأجتماعي بسبب تصريحاتها .
روبي :«خالاتي قاطعوني وحبيبي سابني بسبب الأغاني»
تحدثت الفنانة روبي، عن أزماتها التي تعرض لها بعد نجاحها في مجال الغناء، قائلة :«الجدل اللي حصل وقت ما عملت الأغانى اللى كانت المفروض جريئة، لأن وقتها كنت عاملة الأغنيتين وأنا مبسوطة وبرقص أكنى برقص في بيتنا، وفى يوم وليلة حياتى اتقلبت«.
وأضافت: «ردود فعل المصريين خضتنى ووقفت واتكلمت مع نفسى، لأن مثلا كنت بحب ولد وسيبنا بعض عشان الأغانى بتاعتى ومكنش مستحمل ردود فعل الناس، وحتى خالاتى قاطعونى وقاطعوا والدتى«.
وتابعت :«قعدت مع نفسى لأنى مكنتش مدركة ووقفت وقفة مع نفسى وقلت هاعيد صياغة الموضوع وأنا مش ملخصة في غنوة ولا رقصة وأنا كيان وقعدت مع نفسى، ولما جالى سجن النسا أول ما كاملة أبوذكرى كلمتنى قلتلها خلاص أنا جسمى قشعر، وقفشت في الدور ده».
روبي: «اشتغلت موديل علشان أوفر فلوس دروس الثانوية العامة»
كما تحدثت روبي عن دخولها عالم الفن، مشيرة إلى أنها حينما عملت كموديل، حياتها أصبحت أصعب كثيرًا.
وقالت خلال برنامج «معكم منى الشاذلي» :«دخلت عالم الفن واشتغلت موديل عشان كنت عاوزة أشتري لبس ليا وأوفر فلوس دروس الثانوية العامة، ولم تخطر ببالي الشهرة، ودخلت مجال الفن لهدف مادي فقط».
وأضافت :«لكن يوسف شاهين اختارني في فيلم سكوت هنصور وبدأت مسيرتي الفنية والشهرة، وقبلها كان طموحي في البداية إني أشتغل موظفة وأتجوز».