فجر الإعلامي أحمد شوبير نجم الأهلي ومنتخب مصر السابق مفاجأة جديدة من العيار الثقيل في الأزمة المشتعلة بشأن مشاركة الأهلي في بطولة دوري أبطال أفريقيا في الموسم الجديد في ظل مطالبة نادي بيراميدز بالمشاركة بدلًا منه. وقال أحمد شوبير في تصريحات إذاعية صباح اليوم الثلاثاء: «أقف معاك في قصة المشاركة في البطولات الأفريقية أصل القصة دي عجباني وأنا بحب الحاجات اللي فيها خبث ولؤم وشغل من تحت الترابيزة فبيجيلي مصدر أو حد ابن حلال يقولي إيه اللي حصل». اقرأ أيضًا: تفاصيل محاولة إبعاد الأهلي عن المشاركة في دوري أبطال أفريقيا (القصة الكاملة) وتابع أحمد شوبير: «عندك وقت تعالى ندردش، بيراميدز بعت جواب لاتحاد الكرة طلب فيه اللعب في دوري أبطال إفريقيا وده حقه، فاتحاد الكرة قال له احنا قمنا بإعلان المعايير من بدري واعتماد ترتيب الدور الأول، واللي بيقول إن الأهلي والزمالك يشاركوا في دوري أبطال أفريقيا وبيراميدز وفيوتشر في الكونفيدرالية، فرد مسؤولو بيراميدز وقالوا: لا سيبك من معاييرك دي ثم فؤجئ اتحاد الكرة بخطاب من الاتحاد الأفريقي لكرة القدم كاف بيسأل فيه عن المعايير في اختيار الاندية المشاركة من مصر في دوري الأبطال والكونفيدرالية». وأوضح أحمد شوبير: «لماذا لم تتحدث يا كاف عن هذه المعايير في العامين الماضيين، ففي العام الماضي شارك من مصر: الزمالك والأهلي في دوري الأبطال وبيراميدز والمصري في الكونفيدرالية رغم إن سموحة كان رابع الدوري وله 54 نقطة والمصري كان 50 نقطة، والكاف وقتها أخد باختيارات اتحاد الكرة، فاشمعنى السنة دي عايزين المعايير من اتحاد الكرة المصري، حد عنده تفسير لده». وأضاف شوبير: «السنة اللي فاتت شارك النادي المصري في البطولة وهو الخامس في الدوري وسموحة الرابع لم يشارك والسنة اللي قبلها برضه كان اتحاد الكرة بعت الأسماء من بدري (هل وقتها بعت اتحاد الكرة خطاب بيقول معاييرك ايه لأ لم يرسل». واختتم أحمد شوبير موجهًا رسالة لشخص ما: «أنا عندي تفسير هو انت ليه يا للي بتخرب عايز تنخور مع اتحاد الكرة ومع النادي الأهلي، ليه اللي بيحصل مع النادي الأهلى السنة دي ليه يا باشا محصلش السنة اللي فاتت لازم نشغل دماغنا شوية عموما نحن في انتظار قرار الكاف». شوبير يفجر مفاجأة ستقلب موازين المتأهلين لبطولات أفريقيا بعد خطاب الكافhttps://t.co/fYnPEfmBtB — Ahmed Shobier (@ShobierOfficial) August 2, 2022
