«غيروا دماغكم شوية».. عمرو أديب: «إحنا محتاجين فلوس.. البلد هتقعد تصرف لحد امتى؟» (فيديو)

قال الإعلامي عمرو أديب، إن الاستثمارات الجديدة توفر العديد من المشاريع وفرص العمل وهذا ما يفعله العالم أجمع.
وأوضح أديب، خلال برنامج «الحكاية» على فضائية «إم بي سي مصر»: «انتو عايزين الشركات دي تعملوا بيها إيه؟.. ما نبيعها ونبني بالفلوس حاجات للأجيال القادمة.. هو انا هفضل أصرف وبعدين.. البلد دي هتقعد تصرف لحد امتى؟.. إحنا محتاجين فلوس.. إحنا عايزين دخل.. وانت جالك شغل فتيجي توقفه!.. العالم ماشي كده.. إنما هنقعد نقول يا حلالي يا بلالي.. أنا بقول كلام موجود في العالم كله».
وتابع: «الدولة الآن لا تدير شيئا.. الدولة تصدر قوانين.. الدولة مدير فاشل دائمًا ولكن تحدد القوانين وتعطي مناخ استثمار وغاز جيد للمصانع وتقوم بعمل طرق.. غيروا دماغكم شوية وأنا مبمهدش.. فيه جملتين بتضايق منهم دلوقتي هما عمرو عايز إيه هو عمرو بيمهد لإيه.. أنا مبمهدش أنا بتكلم بعد ما الاستثمار بدأ يدخل».
واستطرد أديب قائلا: «الإدارات في مصر دائما تراعي البعد الاجتماعي.. من يحكم مصر من خوفو حتى الآن يجب أن يراعي البعد الاجتماعي»، موضحا: «الرزق يجيب رزق والفقر بيجيب فقر والمنع بيجيب منع والانفتاح بيجيب انفتاح».
وأضاف أديب أن الهند خصخصت شركة «طيران الهند» التي تشابه «مصر للطيران» وهذا بسبب ارتفاع ديونها وبالتالي كان يجب بيعها، مضيفا أن إسرائيل باعت 80% من البريد وخصصت للدولة 20% فقط، وتابع: «إسرائيل كانت هتدي إدارة ميناء حيفا لشركة تركية».
عمرو أديب: الهند خصخصت شركة طيران الهند.. وإسرائيل باعت 80% من البريد وكانت هتدي إدارة ميناء حيفا لشركة تركية
تقدر تشوف الحلقة كاملة على شاهد (اتفرج ببلاش)https://t.co/ssWKmx8tIg #الحكاية#MBCMASR pic.twitter.com/Skk7jxI4Uz
— الحكاية (@Elhekayashow) March 26، 2022