نفت الفنانة إلهام شاهين تسبب الفنانة سهير رمزي في طلاقها من زوجها الأول، عادل حسني. جاء ذلك في الجزء الثاني من حوارها مع برنامج «السيرة»، اليوم الجمعة. وقالت إلهام شاهين إنها «تزوجت من عادل حسنى وكان فرق السن بيننا ما يقرب من 25 عاما وتزوجته وكان لديه شركة سياحة، وبعد عامين من الزواج أبلغنى البعض أن عادل يخوض تجربة إنتاج مع سهير رمزى وسألته فأنكر، وقبل نزول الفيلم اعترف لي أن الفيلم من إنتاجه وأنه اضطر لذلك بسبب ضغط أصدقائه عليه، وهو فيلم مرة واحدة وخلاص». وأضافت: «كان طول الوقت يقولي ابعدي عن الوسط وتخلفي وتربي عيال دا كان تفكيره، كان عايز يبعدني عن الفن، عايز يبعدني عن الفن وانت تدخل الفن، وأنا فنانة وأنت راجل سياحة إيه اللي دخلك الفن؟». وردت على سؤال: غيرتي عشان الفيلم ل سهير رمزي ؟، قالت إلهام شاهين: «لا مكنتش عايزاه يدخل في الفن لو عايزة أجوز راجل من أهل الفن كنت اتجوزت». وتابعت: «قرأت في الجرايد بيعمل تاني فيلم ل سهير رمزي، واجهته قالي لا، وكنت في استديو الأهرام بصور البراري والحامول وجالي صحفي قالي حظي حلو لسه عامل موضوع مع عادل حسني، سألته كنت معاه في المكتب، قالي في استديو نحاس بالصدفة قابلته في أوضة سهير رمزي، وروحت جري على الاستديو، لقيت عربيته واقفة، ولقيته هناك، عادل قالي أنا كداب عايزة إيه قولتله أطلق». ونفت إلهام شاهين تسبب سهير رمزي في طلاقها، قائلة، «ملهاش علاقة بطلاقي، كدبه السبب، فكرة الإنتاج من ورايا وانت راجل كداب أنا بكره الكدب جدا». «انتي اطلقتي في الجوازه الأولانيه بسبب إنك غيرتي لما جوزك أنتج ل سهير رمزي من غير ما يقولك» النجمة إلهام شاهين بتحكي سبب طلاقها في أول جوازه ليها#السيرة pic.twitter.com/OELtfEz7Ub — dmctv (@dmctv) March 19، 2021
