قال ايه ازاى وليه

ياللى بتحلم اوعى تحلم على قدك
اسرح فى خيالك ولا تخلى حاجه تهدك
اللى مكتوبله حاجه بيشوفها..افهمها كويس وركز فى حروفها
احلم واحلم واحلم .. اتغذى بالايمان يشدك
قال ايه..ازاى وليه
عيل فرحان بطياره ورق فأديه ماسكه وبيطير
شاب عشمان فى بكره لكن عدى منه امبارح وميل
طفوله ورجوله رسموا حياه صعبه ومش معقوله
الورق اتحرق والحلم اتسرق .. تخيل !!
قال ايه...ازاى وليه
مراكبى ومركب فى بحر حقيقه كأنها سحر
موج يعاند ومطر يساند قدر ونصيب ولا عمره كان سر
ماهو البحر واحد والسمك فيه ألوان ومين دلوقتى غلبان !؟
ياللى سرحان واللى غرقان موجود الامان فى البحر وعلى البر
قال ايه...ازاى وليه
قابلت ناس رايقين قوى وهما فى حالة فوقان
وقابلت ناس تفوق لما يزورها السراحان
منهم اللى فكأس يصب واللى عجبه الدخان وحب
مسطول..فايق..مسحول..رايق. رحت ولا جيت انسان
قال ايه..ازاى وليه
تعيش تلف ودور واللى انته عايزه عدى..كان فى الاول
تسكت ولا تحكى..تصرخ حتى وفى البكى تطول
تكره.. تحب هو هو بردوا القلب
شغل فلم حياتك وجرب دوس على زر وحول
قال ايه..ازاى وليه