خطاب لرئيس حزب الرمان

خطاب لرئيس حزب الرمان
ايها الساده حزبنا هذا زيه زي أي حزب اخر انتم مش مميزين بأي حاجه .واهدفكم هي نفس اهداف الاحزاب الاخري لافرق . ومحدش يتجوز من حزبه لازم يتجوز من الاحزاب الاخري علشان نعمل علاقات ونقوي الجينات الوراثيه . وكل واحد حر تماما في اللي يعتقده من افكار بدون حدود حتي لو افكار ومعتقدات ومبادئ احزاب اخري لان ده دليل علي المواطنه والدوله المدنيه
واللي هيرشح نفسه منكم مش هاننتخبه احنا لازم نكون ديموقراطيين بحق وننتخب مرشحي الاحزاب الاخري والا ايه .واللي عايز يضيف حاجه لبرناج الحزب يضيف مش عيب واللي برضه عايز يحذف حاجه من برنامج الحزب برضه مش عيب يحذف . دي بقه اللي اسمها ليبراليه .!
واحذروا ان تقولوا ان حزبنا اللي هو حزب الرمان احسن من أي حزب اخر زي حزب البتنجان ولا حزب الفاصوليا ولا حزب الكوسه .لان حزبنا ذكر اسمه في القران والباقي لا . احذروا لان ذكر هذا تكفير للاخر !!!! اللي ميقدرش يغير عقيدته اقصد حزبه وينضم لحزب الرمان . لانه فصوليجي ليبرالي او بتنجنجي راسمالي ...الخ ؟.
وعلي فكره انا قلتلهم علي الهواء مع الست مني الشاذلي ان البتنجان والفصوليا مش حرام وكلها مخلوقات الله ولكنهم منشفين دمغهم بتنجان بقه !! قلتلهم مش معني اننا بنحب الرمان ونفضله ان البتنجان والفصوليا كافرين او انهم من خلق حد تاني غير الله واعوذ بالله واستغفره لا اله الاهو خالق كل شئ .
اما مسأله الجواز دي بقه متسمعوش فيها أي نصح من كائن من كان اللي يعجبكم اتجوزوه علي طول ده ايه الكلام الفارغ ده بتاع نقي واختار وابحث عن الدين والاصل ما كلنا لادم واد م من تراب بلمناسبه لازم ابوها يكون ليبرالي متحرر عارفين ليه .علشان يسيبك انت وهي علي حريتك يافلوطه ياللي لولا الوسطه والنسب ماكتبت ولاسمعت ولا عرفك احد !!!!
طاهر مصطفي
29/5/2011
((رد علي التجريح في حزب الاخوان بغير حق وانا مش اخواني علي فكره,))