كيف رد نجيب ساويرس على طلب اعتناقه الإسلام؟

رد نجيب ساويرس، رجل الأعمال المصري البارز، على دعوة أحد مستخدمي موقع التدوينات القصيرة «تويتر» له باعتناق الإسلام.
وكتب حساب يحمل «أحب الصالحين وليست منهم»، موجهاً تغريدته لساويرس: «يا ساويرس أدعوك للدخول في الإسلام تكون بكدا كسبت الدنيا وكسبت الآخرة وكسبت المسيح ومحمدا عليهما الصلاة والسلام أما لو فضلت كافر بمحمد صلى الله عليه وسلم هتكون كسبت المليارات في الدنيا لكن خسرت الآخرة قل( أشهد أن لا إله الله وأن محمدا رسول الله وأن عيسى عبدالله ورسوله)».
وفاجأ «ساويرس» متابعيه بالرد على التغريدة قائلاً: «انا سعيد بدينى كما انت سعيد بدينك ... في النهاية محدش إختار دينه والله واحد للكل ولو شاء ربك لوحد الأديان !».
واستمرت تعليقات عدد من المتابعين على التغريدتين، حيث رد حساب يحمل اسم إسلام جمال عليه: «التويته عجبتنى جدا بصراحه الراجل كلامه محترم والرد بطريقه محترمه.. بس مافيش حاجه اسمها محدش اختار دينه انت بأيدك تغير فكرك بما انت مقتنع بيه وفالاخر كل واحد حر ولا اكراه فالدين».
وهو مارد عليه «ساويرس»: «90٪ من المسألة ان الواحد اتولد بدينه واتعود عليه وقليليون يتبحروا في الاديان ويغيروا دينهم ...و الإنسان مخير ومش مسير ...لكن صعب الواحد يغير دينه اللى نشأ عليه ....بيعتبر ان دى نوع ما إرادة ربنا والله أعلم ..فأنا مش متبحر في الأديان».
وواصل حساب آخر يحمل اسم «ديكو» التعليق على ما كتبه «ساويرس» قائلاً: «رد جمل منك يا هندسه ولكن ليه متحاولش تعرف اكتر عن دينك والديانات التانيه وانت الكسبان.. يعني لو انت على حق يبقى غير وبركه وده يزيدك ثبات وطمأنينه في دينك اما بقى لو شوفت غير كده يبقى قدامك فرصه تكون في الدينك الاصح من وجهة نظرك».
رجل الأعمال الشهير رد على التغريدة بتأكيده: «عرفت وقرأت عن الأديان الأخرى ومارالت متمسك بدينى ومقتنع بيه».
واختتم «ساويرس» تغريداته: «انا مسيحى ومؤمن بدينى وبتضحية السيد المسيح وبالله الواحد علشان محدش يتحيير».