مرتضى منصور: أعتذر لوالدة باسم مرسي؟ «وحياة أمك أنت هاتهرج» (فيديو)

هاجم مرتضى منصور، رئيس نادي الزمالك، باسم مرسي، لاعب الفريق الأبيض، رافضا الاعتذار له بسبب كلمة «وحياة أمك».
وقال منصور في تصريحات لقناة «النهار رياضة، مساء الثلاثاء: «وحياة أمك ما هتشوف الكورة تاني، إنت بتهرج ودائما كلمة وحياة أمك على لساني وأقولها حتى لأولادي ولأعضاء مجلس الإدارة، أمك مين اللي اعتذر لها يا باسم؟ هتهرج معايا، وأنا مش عايز أقول إنت كنت حتبوس إيه علشان تيجى الزمالك، ولا حتلعب في الإمارات ولا السعودية ولا أي مكان».
وتابع «منصور»، في تصريحات لبرنامج «كورة كل يوم»، على قناة «النهار الرياضية»، مساء الثلاثاء: «يا جمال علام أقسم بالله ما فيه لاعب من الزمالك حيروح المنتخب بعد كده، وإلا إنت تبقى تدفعلهم المستحقات بتاعتهم، علشان تعرف تمنع باسم مرسي من حضور التحقيق بشكل كويس».
وشدد منصور: «بالنسبة لي خالد قمر أفضل منك، أحمد جعفر أفضل منك، أحمد على أفضل منك يا باسم».
وأتم: «لو ظننت للحظة أنك السبب في فوز الزمالك فأنت مخطئ.. لو محمود كهربا ظن ذلك فهو مخطئ، لا يوجد هذا الشيء في فريقي الآن».
يذكر أن الزمالك أحال باسم مرسي للتحقيق والأخير صدرت تقارير حوله تقول إنه ينتظر اعتذارا من مرتضى منصور بعدما أهان الأخير والدته على حد تعبير تلك التقارير الصحفية.