★★★ حوار مع مؤيد للتعديلات الدستورية ★★★

بعضُ الغيورين علي مصلحة الوطن ، يقولون ان التعديلات التى دعا أليها مبارك تعبر عن انجازات ثورة 25 يناير، ولأنني من المعارضين بشدة لهذه التعديلات، فقد دار بيني و بين صديقي هذا الحوار
قال :نحن مختلفون في الإجراءات ، فنحن أيضاً نريد دستورا جديداً ، و لكن من خلال التدرج عن طريق هذه التعديلات التي من ضمن بنودها البدء في عمل الدستور الجديد في خلال أشهر قليلة ، نحن نسير بقاعدة ما لا يدرك كله لا يترك جله ، و انتم يريدون التعجل بالكل مرة واحدة ونعم للتعديلات الدستورية كتمهيد للدستور الجديد
قلتُ : المادة 189 مكرر ، لايوجد بها لفظ واحد يلزم المجالس المنتخبة ولا الرئيس لوضع دستورٍ جديدٍ يعبر عن اهداف الثوره .
ولو عايز تتأكد لو سمحت اقرأ نص التعديلات الدستورية المطروحة للاستفتاء بتأنى
على http://www.masrawy.com/News/Egypt/Politics/2011/march/14/march_dstour.aspx
قال : ظروف البلد والدوله تنهاروالاقتصاد ينهاروالسياحه والاسعار واهداف الثوره كانت اسقاط النظام وليست اسقط الدوله
قلتُ : ايوه الهدف الرئيسى كان وهى ان الشعب يريد اسقاط النظام كل النظام بدستوره وبقاياه من الرأس الى القاع
ووضع الدستور الجديد الذى يليق بمصر وليس ترقيع القديم
الذى يعطى سلطات فرعونيه للرئيس القادم
قال: ماهو التعديلات قللت اختصاصته
قلت: التعديلات فقط لتنظيم انتخابات الرئاسه ومجلس الشعب زى ماقال مبارك فى الاول
ولاتنظم علاقة السلطة التشريعيه(البرلمان)مع الرئيس (السلطه التنفذيه) وبالتالى
البرلمان مايقدرش يحاسب الرئيس
وبالتالى نحن نصنع فرعون جديد
قال :اذا الرئيس اتفرعن و معملش دستور جديد ميدان التحرير موجود
قلت : الماده 189 لاتلزمه
وساعتها حيقول انا متمسك بالدستور والشرعيه
واضربوا راسكم فى الحيط
قال : كل العالم عارف انها ثوره وميدان التحرير موجود
قلت : الثوره يعنى دستور جديد مش دستور مشوه يتعبنا بعد كده طول الكام سنة اللى جايين
ونعيد اللى فات زى مع مبارك المخلوع
قال:ولكن الجيش وراه مهمات اكبرو ممكن الجيش يتمسك بالسلطه بعد كده وم يسبهاش
قلت : الجيش من اليوم الاول تعهد بدوله مدنيه وكلنا نثق فى الجيش
وعشان نريح الجيش ويعو لثكانته
يعين مجلس رئاسى من واحد عسكرى واتنين مدنيين متفق عليهم من الشعب كما اتفقنا على حكومة الثورة
قال : ممكن يحصل خناقات على الاتنين دول
قلت : هوالجيش مش هيلاقى فى التمانين مليون اتنين فقط متفق عليهم
قال: الجيش برده هو اللى هيعين اللجنه التأسيسه لوضع دستور جديد
قلت: لا طبعا الدستور مللك للشعب والشعب هو اللى يعمل الدستور
قال: ازاى
قلت: تنتخب لجنه لوضع دستور جديد من50 عضوآ من الفقهاء الدستوريون والشخصيات العامه
قال: ازاى
قلت : سوف ينتخبون ال50 عضو باجراءات معروفه عالميا وفقهاء الدستور عندنا عرفين هذه الاجراءات كويس و درسنها
والعمليه تاخد ستة اشهر فقط لوضع الدستور الجديد
قال : أليس من الأفضل انتخاب اللجنه من داخل مجلس الشعب ؟
قلت :وليه نضع مصير الشعب كله فى يد مجموعه ممكن تنجح بواسطة الفلوس او شعارات
ثم تفصل الدستور على هواها
وماتوقليش ان شغل زمان مش ممكن يتكرر بتاع الفلوس والحورات التانيه على الاقل فى اول انتخابات بعد الثوره
ولكن ال50 عضو فى اللجنه سوف ينتخبون من كل اطياف الشعب و يتفرزوا من الشعب كله وليس مجموعه فقط فى مجلس الشعب
يحتكم بهم فكر معين
وسوف ينتج دستور متوافق عليه من كل اطياف الشعب
قال : إذن ربما نتفق
قلتُ : لازم نفكر بهدوء لان كلمتك دلوقتى تحدد مصير البلد كلها.. ويسعدني أنك اقتنعت معي وستقول لا .. ولكننا لسنا في عداء مع من يقول نعم فهو يرى انه يخدم بلده والتنافس الديمقراطي لا يولد عداءاً كما كان فالسابق بل ينتج مصلحة البلاد والعباد
وربنا يهديهم