سخر مستخدمو شبكات التواصل الاجتماعي من ظاهرة مرور كويكب عبارة عن صخرة عملاقة قرب الأرض قوته «تعادل 2500 قنبلة نووية في وقت واحد»، وأصيبوا بخيبة أمل بعدما انتظروا لساعات حتى صباح الثلاثاء، من أجل مشاهدته. ونشرت صفحات للرسوم الساخرة على «فيس بوك» أعمال كوميكس استخدمت مشاهد من أفلام سينمائية وشخصيات تحظى بشعبية واسعة على شبكات التواصل، وذلك للسخرية من الظاهرة وانتظار المصريين لحدوثها. إسلام محمود: «اشتغالة من شباب سينجل عدى عليهم الكريسماس والفالنتاين وهما في الفريندزون فقالك في نيزك نازل وقالوا لبنات إنهم لازم يبوسوهم قبل ما يموتوا» وقالت عهد محمد، في حسابها على «تويتر» ساخرة: «ماما في نيزك هيخبط في الأرض وهنمووت كلنا.. ماما: يعني معملش أكل لبكرة؟»، ومثلها كتبت نانسي فتحي: «حدث بالفعل والله.. أنا: ماما في نيزك ممكن يموتنا كلنا ماما: طيب خشي نامي عشان تتعودي تصحي بدري عشان المدارس قربت». وأضافت رانيا أسامة: «أصحى امبارح على (ثورة الإنترنت) وأصحى النهاردة على نيزك، مانمش تاني يعني ولا إيه».. وتابع كريم عادل: «أنا متأكد إن كل المصريين دلوقتي كانوا نفسهم الأرض تتخبط عشان يشوفوا هنحس بأيه وكده». ودشن مستخدمو «تويتر» وسما «هاش تاج» بعنوان «#حط_نيزك_فى_فيلم»، في محاولة منهم للتندر من الأخبار المتداولة حول إمكانية ارتطام «النيزك» بالأرض، وقال «إبراهيم محمود»: «قالوا هنضرب بنيزك.. وأنا نايمة.. شوف قلة أدبه.. وأنا نايمة !! وأنا عاملة نفسي نايمة». في حين سخرت «منة نعمان» من كثرة الحديث المتداول حول الصخرة: «نيزك على بعد 2 مليون ميل من الأرض وكل واحد مصمم إنه هيخش من شباك أوضته».. وتابعت «ياسمين إيهاب»: «واضح إن في نيزك هيخبط الأرض ده اللي فهمته من التايم لاين.. حد يقوله ينجز قبل ما نتيجة التيرم الأول تطلع». إلا أنه وبعدما فشل علماء الفلك في تتبع الكويكب أو «النيزك»، قال حساب «a7med_heroOo@»: «ضربت الودع ملقتش ولا نيزك جدع»، في حين كتب عمر مدحت: «يا عم نيزك إيه؟ بقولك أيام سودة». وحمل جانب من التعليقات إسقاطات على الأوضاع السياسية في مصر، بالإضافة إلى الحديث عن «ثورة الإنترنت» وغضب مستخدميه مما وصفوه ب«نصب» شركات خدمات الإنترنت. وسخر حساب «مدنية» على «تويتر» قائلا «إحنا مينفعش معانا إلا نيزك بخلفية عسكرية»، وأضاف: «دة أنت نيزك أبطأ من سرعة النت في مصر .. شكله نيزك تبع تي داتا». وعلى غراره كتب حساب «هلا مدريد»: «حضرتك مفيش نيزك؟ طب أقفل الراوتر وأفتحه تاني»، وقالت جوجو ديب: «وطفش مننا النيزك وطبعا الإخوان كانوا اتصورا جمبه ومعاهم علامة رابعة.. نيزك مش نيزك مرسي مش راجع». أما «Andyegypt@» فقال: «شكرًا يا نيزك.. إنت الحاجة الوحيدة اللي وحدت العالم». كان موقع«Slooh» الأمريكي الشهير، المتخصص في نقل الأحداث المباشرة، حاول، فجر الثلاثاء، رصد ظاهرة اقتراب الكويكب من الأرض عبر البث الحي لما يحدث في الفضاء من خلال قناته على «يوتيوب». موجة سخرية من نيزك اقتربت من الأرض موجة سخرية من نيزك اقتربت من الأرض موجة سخرية من نيزك اقتربت من الأرض موجة سخرية من نيزك اقتربت من الأرض موجة سخرية من نيزك اقتربت من الأرض موجة سخرية من نيزك اقتربت من الأرض موجة سخرية من نيزك اقتربت من الأرض موجة سخرية من نيزك اقتربت من الأرض
