بالفيديو..سيدة تهاجم صباحى : أحنا بندفع ثمن أخطائكم وسعيكم للحكم..فكوكوا بقا من اللى عمالين تقولوه

هاجمت احدى الأمهات، خلال تشييع جنازة شهيدا التحرير والاتحادية محمد نبيل الجندى،وعمرو سعد بعد اصابتهما بطلقات نارية وضربات مبرحة حتى الموت فى الأحداث الأخيرة التى شهدتها البلاد، حمدين صباحى المرشح السابق لرئاسة الجمهورية، وذلك لسعيه وراء كرسى الرئاسة وتركة الشباب اللذين يستشهدوا يوميا بالعشرات على حد قولها.
ووجهت السيدة ، لحمدين هجوما شرساً قائلة: قولولنا الحقيقة أحنا مش عارفين نصدق مين فيكم، احنا زهقنا من كلامكم وتصريحاتكم، لو بتحب مصر تخدم مصر ماتجريش ورا أنك تكون رئيس جمهورية وتهمل فى الشباب دى كلها"
وأضافت: أوعد الناس دى كلها أنك لو بقيت فى يوم من الأيام على الكرسى أبنى مش هيموت مش هطلع ادفنه من ناس ما تعرفش ربنا،لكن أحنا زهقنا منكم وزهقنا من الكلام"
وأدانت الأم، صباحى، قائلة:"أحنا مش قولنلكم قبل كدة قبل ما تحصل الانتخابات لموا بعضعكم مرضتوش، كل واحد فيكم اتصرف على أنه هو اللى عايز يأخد الكرسى لنفسه،ولما وقعت الكارثة الشعب وولادنا هما اللى بيدفعوا تمنها"
وهاجمت، السيدة، صباحى: فكوكوا بقا من اللى انتوا عمالين تعملوه وكل شويه هنعمل ونسوى، كلام كلام ومبادرات وبس، انا معرفش الشهيد محمد لكن لما سمعت اللى حصل نزلت الجنازة، كفاكم مبادرات ومؤتمرات وارحمونا أحنا هنتجنن، اللى بتقولوا عليهم حزب الكنبة هيتجننوا".
سيدة تهاجم صباحى