نادية الاسناوي تهدي الجريدة قصيدتها " صديقي المقرب "

ليه بتستغرب
انى وقعت هناك قدامك
وانا كان نفسى لحضنك اهرب
وقبل مااقرب
خانى طريقى ف اخر خطوة
ضرب الكعب الرملة ف سهوة
شل الحركة ب لدغة عقرب
طلعت صرخة ومش مكتومة
بين الضلع وكان متألم
لمت ناس كانت موهومة
ان الوقعة ماهيش هاتسلم
نسيوا القرصة
ونسيوا الوقعة
واتصنتوا للصوت الخافت
وانا بعلنها
داضرب معلم
كنت اتألم
لكن زحمة مشهد خوفهم
نسجت مشهد تانى قصادى
انى بموت من جوة حقيقى
وان خروج الروح كان عادى
لكن كل عذابى حقيقى
انى اليك مكملش طريقى
وحساك منى
كانت فاضل خطوة اخيرة
قبل وقوعى وتبقا ف حضنى
وتبقا ف حضنى