"أديب" ينفعل بسبب "التطبيل" والحنين لأيام مبارك

انفعل الإعلامي عمرو أديب ضد الرئيس الأسبق حسني مبارك، بسبب ما وصفه بحالة "التطبيل" والحنين إلى أيامه، واصفًا عهد مبارك بلفظ خارج.
وهاجم أديب الرئيس الأسبق مبارك، خلال حلقة الليلة من برنامجه "القاهرة اليوم"، على قناة أوربت، قائلا: "الناس اللي بتقول حرام اللي بيحصل في مبارك أحب أقول حرمة عليه عيشته.. ده عيشنا 30 سنة زبالة وجاب البلد الأرض وكل الخرة اللي إحنا عايشين فيه ده بسببه، وللأسف لسة في ناس بتطبل له".
وأضاف قائلا: "يولع مبارك، ما كل اللي بيحصل فينا ده بسبب الفلوس اللي ضيعها، وأحب أسأل كل اللي بيطبطب على مبارك، أنتم غاويين عبودية؟! خلاص كفاية بقى".
وشن أديب هجومًا حادًا على إحدى الصحف الخاصة بسبب إجرائها حوار مع مبارك، قائلا: "إزاي مسجون يجري حوارًا مع صحيفة؟! في أي بلد غير مصر يحدث مثل ذلك؟!"، في إشارة إلى صحيفة الوطن التي أجرت حوارًا مع مبارك مؤخرًا.