ما أصدق ..شعر بلقيس الشمرى

ما أصدق إن قلبي عاش حبَّه في خرافة
وما أصدق إن عشقي ... وكل صدقي
بدري يآصل مستواه
ما أصدق
نبض قلبي لو يخافه
ما أصدق
شوق قلبي لو يعافه
إيه أحبَّه .. أعشقه
أهوى ثراه ل ابعد مسافه
وكل أماني في عيونه
ما أفكر في جفاه
****
كنت أضمِّه
أحضن أطرافه وأشمه
لو ينام الليل أسهر
ما أبي شي( ن ) يهمه
كنت أداعبه بغرامي
ولا اشتكى مني هيامي
أانثره يمي والّمه
****
كنت عاشق
والعشق فيني خيالي
كنت صافي
صاحب القلب المثالي
كنت ليله ... بدر نوره
كنت شمسه ... كل غروره
كنت إحساسه وشعوره
*****
وكيف أوصف .. كيف أحكي
كيف أصور كل صوره
كيف أقول
إني أضيع في مروره
ارتجف لحظة حضوره
وباقي عطره في ساكن
وآه من غرشة عطوره
ياعطا وياخطا
يالِيان و ياقسى
ياجحود ويابرود
كيف مالك أي وجود
***
ما اصدق
إن زهر الحب ذابل
يشتكي لي من غصونه
كيف ما قدرت تصونه ..؟
كيف ماتت ....؟
ليه تخونه
والحقيقة ... الحقيقة كالخرافه
وليه اصدق
****
ليه اصدق
لو تناظرني المرايا
ذاهلة كل الزوايا
لو تواجهني الحقيقة
إني وحدي
صرت وحدي
ونبض قلبي مو معايا
ليه اصدق
****
كاذبة دمعة عيوني
كاذبة لحظة اسايا
كاذبة كل الحقايق
كاذبة ذيك النهاية ؟
****
وما أصدق ... ما أصدق