شيرين عبدالوهاب تنفي شائعات الاعتزال وتعد جمهورها بمفاجآت جديدة

انتشر خلال الساعات الماضية على مواقع التواصل الاجتماعي تسجيل صوتي للمطربة شيرين عبدالوهاب، نفت فيه بشكل قاطع صحة الأنباء المتداولة حول اعتزالها الفن، مؤكدة أنها تتعرض لمؤامرة.
التسجيل الصوتي
قالت شيرين: "أهلا بكم يا حبايب قلبي، إهدوا، أنا وصلني إني أنا بعتزل وإن مودي مش حلو".
وأضافت: "أنا كويسة جدا، وبحضر لمفاجآت مختلفة وجديدة، هتفرحوا بيها قوي، وهغني لكم بس من أماكن مختلفة، وهفضل أغني لحد ما أموت مفيش اعتزال.. الاعتزال هو الموت طول ما أنا عايشة أنا بغني، وبحبكم أنا عايشة بيكم وليكم، واطمنوا عليا أنا مش بستسلم أبدا".
وتابعت قائلة :"فيه حاجات جامده جدا بتحصل لي من أقرب الناس ليا، مش محاربات ولكن تكسير وقتل، بس أنا جامدة وربنا معايا ومقويني وأنا بتاعتكم انتم، وعايشة عشانكم انتوا، اطمنوا يا حبايب قلبي، واستنوا الحاجات الجديدة اللي نازلة، وبحبكم قد الدنيا وأكثر من الدنيا، وإنتوا الدنيا بالنسبة ليا".