بالفيديو.. الرئيس السيسي: لولا المخالفات كنا عملنا محور المحمودية من سنة ونصف السنة

علق الرئيس عبدالفتاح السيسي، على تأثير المخالفات على تطوير وبناء المحاور الجديدة، قائلًا: "كان زمان محور المحمودية اتعمل بسهولة من سنة ونصف السنة فاتوا لو مكنشى فيه مخالفات.. بنتكلم عن تعويض الناس وتدبير الأموال المطلوبة لهم.. وبعدين نزيل المخالفات ونعمل المحور.. وفيه حتت مقدرناش نعمل فيها.. وفق الكثافة السكانية قولنا نعمل كوبرى على الطريق لمنع الإزالة ونحافظ على الترعة والناس.. الناس تكون منتبه لده.. المفروض منعملش كده تانى والدولة متسمحش بكده بتاني.. مفيش تعدى على جسر ترعة أو حرم طريق خالص".
وأضاف "السيسي" خلال كلمته في افتتاح محور فؤاد أبوذكري.. محور التعمير سابقًا بالإسكندرية، اليوم الاثنين: "حتى موضوع الطريق الزراعى سنة 59.. لو مكنشى على جسر الطريق أو حرم الطريق بناء.. كان ممكن نعمل الطريق 5 حارات و5 حارات فى كل اتجاه بربع التكلفة.. كملنا الطريق الصحراوى للتخفيف على الزراعى.. وطريق النوبارية بالطريقة دي.. علشان نقدر نحرك الناس على الطريق الزراعى والدلتا كويس".
وتابع: "أنا بقول للمسئولين فى المحافظات والمسئولين فى الدولة والمواطنين.. لازم ناخد بالنا.. ده تكاليف كبيرة جدا.. ودى فلوس مصر والناس.. بدل ما اصرف مليار و2 الاقى بصرف 5 و6 مليارات".
ويفتتح الرئيس عبدالفتاح السيسي، صباح اليوم، محور فؤاد أبوذكري التعمير بالإسكندرية الذي يمتد بطول 35 كم من تقاطعه مع طريق القاهرة / الإسكندرية الصحراوي حتى طريق سيدي كرير / مطار برج العرب بواقع 9 حارات مرورية لكل اتجاه.