فيديو..جنة الجندي تطرح كليب "السكوت" في عيد الفطر

طرحت الفنانة جنة الجندي، نجمة برنامج المواهب "The voice kids"، أحدث أغانيها على طريقة الفيديو كليب بعنوان "السكوت" على موقع الفيديوهات "يوتيوب".
أغنية "السكوت" من كلمات الشاعر الغنائي محمد قاسم، ألحان وتوزيع عمر فهمي، والفيديو كليب من إخراج محمد حسني، تسويق شركة "AG" أحمد جابر.
وتقول كلمات الأغنية:"مين اللى قال ان السكوت
يعنى القبول ده ساعات كتير
بيكون علشان مفيش حلول
بيكون بديل لذكرى عدى وقتها
بيكون بديل لحلم كان فات وانتهى
مين اللى قال ان السكوت
يعنى القبول ده ساعات كتير
بيكون علشان مفيش حلول
بيكون بديل لذكرى عدى وقتها
بيكون بديل لحلم كان فات وانتهى
وخلاص انا مش هقبل تانى بالسكوت
ايوه انا هقولها لا بأعلى صوت
كفايا ضاع من عمرى سنين
وخلاص بقا ليه هسلم حلمي للظروف
مش هيكون عندى تردد أو في خوف
ولا عمر الخوف خلانا عايشين
وانا اقبل ليه من تانى انصاف الحلول
واغلط ليه نفس الغلطه مش معقول
عمر السكات ما كان اجابه لاى شيئ
لو حلمي فات اشوفله لو مليون طريق
وانا اقبل ليه من تانى انصاف الحلول
واغلط ليه نفس الغلطه مش معقول
عمر السكات ما كان اجابه لاى شيئ
لو حلمي فات اشوفله لو مليون طريق
وخلاص انا مش هقبل تانى بالسكوت
ايوه انا هقولها لا بأعلى صوت كفايا
ضاع من عمرى سنين
وخلاص بقا ليه هسلم حلمي للظروف
مش هيكون عندى تردد أو في خوف
ولا عمر الخوف خلانا عايشين".
وتقف جنة الجندي خلال الفترة الحالية على تحضيرات أغنية جديدة ستكون مفاجأة للجمهور، وهي من ألحان الراحل أشرف سالم، وكتبها الشاعر عوض بدوي.
جنة الجندي عرفها الجمهور عندما استطاعت أن تلف كرسي المدربين الثلاثة الفنانين نانسي عجرم، تامر حسني، وكاظم الساهر، في مرحلة "الصوت وبس" بأغنية "مضناك"، ووصلت لمرحلة "المواجهة الأخيرة" في برنامج المواهب "The Voice kids"، وكانت ضمن فريق الفنان كاظم الساهر.
يذكر أن جنة طرحت مؤخرا أغنية بعنوان "دمياط" من كلمات الشاعرة شيماء جمال، ألحان وليد سالم، توزيع شادي عبد الوهاب، والفيديو كليب الخاص بها من إخراج أحمد جابر.