السيسي يكشف لماذا فشل الإخوان في حكم مصر: "مش عارفين حاجة"

يشهد الرئيس عبدالفتاح السيسي، اليوم الأحد، الندوة التثقيفية ال32 للقوات المسلحة "أكتوبر 73.. رمز البقاء والنماء"، تزامنا مع مرور 47 عاما على انتصارات أكتوبر.
وقدم الرئيس عبدالفتاح السيسي التحية لقادة أكتوبر الأبطال في بداية انطلاق فعاليات الندوة التثقيفية الثانية والثلاثين بمناسبة نصر أكتوبر.
وقال الرئيس السيسى، إذا كان شعب مصر هان عليك، الأطفال وسيدات مصر والكبار هانوا عليك مستعد تشردهم وتوديهم يتقتلوا ويبقوا لاجئين ومخوفتش ومقولتش بلاش لأجل خاطر الناس فى مصر، لو أنت قلت لأجل خاطر الناس فى مصر بلاش، أقول والله ضميرك ودينك وانسانيتك موجودة، لكن انت مبتعملش كده، يبقى لا عندك ضمير ولا إنسانية ولا دين".
وأضاف الرئيس، اللى يبقى عاوز يضيع 100 مليون علشان يصل لمكان يتصور أنه يعمل بيه دولة، دولة تقوم إزاى دى دولة مقمتش بقالها 150 سنة انت فاهم الحكاية؟ فاهم يعنى إيه دولة؟، طيب والله العظيم وأنا صادق إن شاء الله أنا قعدت مع كل الناس دى سنة ونصف قبل انتخابات 2012 وسألتهم هتعملوا إيه فى مشكلة التعليم والصحة والإسكان والأزمة الاقتصادية؟، أنا والله العظيم ما لقيت إجابة يعنى انت عاوز تتصدى لدولة تمسكها وانت مش عارف تحدياتها وازاى هتحل المسألة؟.. بقولكم الكلام ده علشان كلنا نمسك فيها، طيب احنا هنقدر نحل المسألة، ايوه طبعا، علشان احنا بنبذل اقصى جهد عندنا وربنا قال وأعدوا لهم ما استطعتم واحنا بنعمل ما استطعنا فلا بد يبقي فيه إيه؟ يبقي فيه نصر، النصر ده ايه، بناء وتنمية وإعمار وإصلاح ونجاح فى كل المجالات".