كريم رمزى يحكي تجربته مع الإصابة بفيروس كورونا: «أنا بخير»

طمأن المذيع كريم رمزى جمهوره على حالته الصحية بعد إصابته الاسبوع الماضي بفيروس كورونا المستجد.
وكتب كريم على صفحته الرسمية بموقع التواصل الاجتماعي فيسبوك:"حلاوة التجربة": "كنت مأجل الكلمتين دول لحد ما ربنا يتمم شفائي تماما بس شوفت ان في حالة سلبية كدة عند كل الناس تقريبا فقولت اخش اقول كلمتين واشكركم".
وأضاف:" انا اليومين اللي فاتوا دول في تجربة ربنا ليا بالفيروس شوفت فيها احلى أيام حياتي احلى حب من كل الناس انا شفت اللي عمر ما في خيالي كان ممكن يجيبه والله من حب، نفسي اشكر كل واحد بالاسم كلكم ناس عظيمة بس للاسف هنسى اكيد".
وتابع:"انا الحمدلله بقيت زي الفل وكلها يومين تلاتة وابقى كويس بنسبة كاملة وده بفضل ربنا ودعواتكم".
واكمل:"هكلمك لاحقا كتير عن تجربة المرض وسهولتها وازاي تعدي منها بيسر تام بس الاول هقولكم حاجة مختصرة في التجربة دي:"متخافوش من الأخبار السلبية ربنا بس بيجربكم وبيجرب ايمانكم.
وتابع:" اللي خلق الدكتور والعلاج وخلاك تخف من الأمراض هو الاجدر انه يخففك مباشرة لو عجز الدكتور أو العلاج".
يشار إلى أن الإعلامي كريم رمزى هو أحد مذيعي قناة اون سبورت الرياضية، وأعلن مؤخرا عن إصابته بفيروس كورونا المستجد.