منتدى شباب العالم.. أحمد حلمي: "أفتخر بجنسيتي في كل مكان"

أكد الفنان أحمد حلمي، أنه يفتخر بجنسيته المصرية في كل مكان بالعالم، لكنه يريد أن يعرف نفسه بأنه "إنسان" دون أن يفصح عن اسمه أو جنسيته، موضحًا: "مش هيفرق لو قلت اسمي إبراهيم أو جورج أو هيفرق لو كان الديانة مختلفة أو هتفرق لو كانت جملة اتقالت من سيدة أو راجل".
وأضاف حلمي، خلال كلمته في منتدى شباب العالم: "أنه برغم اختلافنا عن بعض كبشر لكن ربنا جمعنا على حاجة جوة كل واحد فينا وهي الإنسانية، الإنسانية جوه كل إنسان، وهي اللي بتخليك تتقبل الآخر وتتعاطف معاه وتحبه وتفهمه وتسمعه مهما كان مختلف عنك أو حتي كان فيه بينكم خلاف".
وأشار حلمي إلي أنه: "مش من الإنسانية أبدا إننا نحول حلاوة وقيمة وعظمة وجمال ونعمة الاختلاف لخلاف اللي خلق اختلافنا في أسامينا وجنسيتنا وألوانا وأرضنا وديانتنا بردوا خلق جوانا حاجة مشتركة مفيش فيها لا خلاف ولا اختلاف والدليل أننا كلنا متجمعين النهاردة في قاعة واحدة علشان هدف واحد تحت شعار واحد، واللي جمعنا إنسانيتنا".
ويستمر منتدى شباب العالم 2019، في نسخته الثالثة بمدينة شرم الشيخ في الفترة من 14 إلى 17 ديسمبر 2019 تحت رعاية الرئيس عبدالفتاح السيسي، وصل عدد المشاركين فى عملية التسجيل هذا العام إلى 300 ألف شاب وفتاة من 196 دولة حول العالم. ويناقش المنتدى، موضوعات الأمن الغذائي، والبيئة والمناخ، وسلسلة الكتل، والذكاء الاصطناعي، والاتحاد من أجل المتوسط، وتمكين المرأة، والفن والسينما، كما يشهد عدة فعاليات تتعلق بريادة الأعمال واستخدام التكنولوجيا الحديثة وتطبيقاتها.