المرأة في أغاني 2019.. "قوية ومش خايفة".. أنغام "ولا دبلت".. و"شارموفرز" يغنون "حوا"

وجّه عدد من أحدث الأغانى العربية التى طرحت مؤخرا، رسائل تبرز قوة المرأة فى مواجهة مشاكلها العاطفية وأخرى تظهر تقديرا واحتراما لدورها فى حياتنا، فقالت الفنانة نوال الزغبى مبرزة قوة المرأة فى اتخاذ القرار، «مش خايفة» من غيابك، وأعلنت الفنانة أنغام اعتزازها بنفسها وقدرتها على الصمود والوقوف من جديد بعد العثرات من خلال أغنية «ولا دبلت»، فيما وجه فريق «شارموفرز» رسالة تقدير للمرأة من خلال أحدث أغانيهن «حوا». الزغبى قدمت أغنية «مش خايفة» ضمن أحدث ألبوم لها «كده باي» الذى طرحته يوم 14 من فبراير الماضي، ومن خلالها أبرزت قوة المرأة فى اتخاذ القرار، وجاءت كلماتها كالآتي: «مش خايفة من غيابك.. أنا عايزاك تختفى وإن جت سيرتك ف يوم.. هقول ده كان وفى «ماتهددنيش» إن انت هتمشى فى يوم وتغيب، أنا قبلك سايبه عشان عارفاك يوم هتسيب، مبقتش بحس بقربك ولا بتمنى لقاك.. وبلاش نتكلم عن حاجة ومشّيها نصيب، لو باقى يومين من عمرى أنا أعيشهوملك، صدقنى وخدت قرار ولا يمكن هرجع فيه، مبقتش مهم خلاص افتكرك ولاَ أنساك، لو حبك ذنب أنا بتحاسب دلوقتى عليه». أغنية «مش خايفة» من كلمات خالد تاج الدين، ألحان عمرو مصطفى، توزيع نديم الشاعري، ميكس بيتر، وماسترينج عمر صبّاغ.
وأعلنت الفنانة أنغام عن اعتزازها بنفسها وقدرتها على الصمود والوقوف من جديد بعد العثرات من خلال أغنية «ولا دبلت» ضمن ألبوم «حالة خاصة جدا» الذى طرحته يوم 20 من فبراير الماضي.
وجاءت كلمات الأغنية كالآتي: «ولا دبلت ولا قبلت تعيش عالرف، من بعده صحيح وقعت لكن وقفت وقلبها خف، من مرضه سأل عنها وكان فاكر هيلقاها بتتوجع، وصل له الرد والظاهر ماكنش الرد متوقع، قالوا له إنها احلوت بقت ما تخفش واتقوت وجرحك فيها ولا موت ولا علم ولا غير بيتمنى، تكون لسه بتحلم بيه وتستناه بيتعشم تكون حاسة عشم إبليس ده فى الجنة». أغنية «ولا دبلت» كتب كلماتها الشاعر الغنائى نور الدين محمد، ألحان: أحمد العتباني، وتوزيع أحمد إبراهيم. وفى أحدث أغانيهم آثر فريق «شارموفرز» تقديم رسالة تقديرية لدور المرأة فى حياتنا فى جميع الأدوار التى تتقلدها من خلال أغنية «حوا» من ألبومهم الجديد «انفصام» والتى طرحت يوم 5 من مارس الجاري. أغنية «حوا» كتب كلماتها أحمد بهاء، ألحان وتوزيع محمد الأركان، وتقول: «أوجه سلامى ليكي، كل احترامى واعتزازى بيكي، إن كنت أم أو حبيبة صديقة زوجة خالة أو قريبة ينبوع الحنان الكون مصدره إنتى اووه يا حوا بالرقة والدهاء تتصفى والحنان والقوة حوا حوا فى الصحرا إنتى المياه حوا يا حوا اروينى ده انتى العشرية حوا حوا فى الصحرا انتى المياه حوا يا حوا اروينى ده انتى العشرية انتى الفارس المجهول وراء كل عظيم قرارات صائبة آه والله العظيم هقول تانى من مكاني، مصدق مش كلام أغاني، دايمًا محتاجة للأمان (حوا) مع إنك مصدر أساسى ليه وأنا بحكيلك قصتي، عرفتى من بصتى إن أنا نازلة دمعتي، وبمسكها ده الوجع اللى راح حوا حوا فى الصحرا إنتى المياه حوا يا حوا اروينى ده إنتى العشرية حوا حوا فى الصحرا إنتى المياه حوا يا حوا اروينى ده إنتى العشرية حوا حوا فى الصحرا إنتى المياه حوا يا حوا اروينى ده إنتى العشرية».