طفل "واقعة تهريب بورسعيد": المذيعة تعاملت معنا كالمجرمين

قال محفوظ دياب، طفل واقعة تهريب بورسعيد، خلال أول ظهور له عبر الفضائيات، إنه منذ ولادته، وهو يعلم أنه لا يوجد فرصة عمل في بلده بسبب طردها للشباب للعمل في القاهرة والمحافظات الأخرى؛ بسبب توافر فرص عمل بها متابعًا: "المذيعة اللي كانت بتتحاور معنا وجهت أسئلة لينا على أساس أننا مجرمين ومش بني آدمين وكانت بتتكلم بطريقة فيها تعالي".
وأوضح "طفل التهريب"، خلال حواره ببرنامج "العاشرة مساء"، المذاع على فضائية "دريم"، مساء اليوم السبت، أنه يسكن في قرية المدمر التابعة لمركز طما بمحافظة سوهاج، ويعرف منذ طفولته أن، كل من حوله يسافرون إلى خارج القرية، لأنه لا فرص عمل لهم فيها تمكنهم من كسب الرزق والزواج.
وتابع "الطفل": "أنا سافرت علشان اتفسح عند ناس قرايبي في إسكندرية وبعد كده سافرت عشان اشتغل في بورسعيد زي كل الشباب اللي بيسافر علشان يشتغل"، مؤكدًا: "هذه المرة ليست الأولى التي أسافر من أجل العمل والحصول على المال".
ولفت "محفوظ دياب": أبويا ليه سنتين بيقولي بلاش السفر والغربة، واقعد اشتغل معايا في المخبز وكنت أقوله أنا عايز أسافر علشان أثبت لنفسي أني راجل وأقدر أجيب القرش".