مي كساب بعد ولادتها: الضنا غالي أوي

نشرت الفنانة مي كساب، على صفحتها الشخصية بموقع التواصل "إنستجرام"، أول رسالة لمحبِّيها بعد ولادتها مولودتها الأولى "فريدة" من المغنِّي أوكا، قائلة: "وعدّى أول أسبوع أمومة بحلوه ومره وهرموناته، والحمد لله أنا بطبعي أُوفر، بس الحمد لله أهوه عدَّى بكل الأُوفر اللي فيه، باعتذر إني ما ردتش على كل حد كتب لي.. فريدة مش مدّياني الفرصة بس قريت كل الكلام، وباشكركم على مشاعركم الحلوة، وخلاصة الأسبوع الله يرحمك يا أمي الضنا غالي قوي، الجنة مش ببلاش خالص، الإنسان ده غلبان قوي بييجي الدنيا عشان يعافر ويجاهد و90% من جهاده مش بيروح ليه، أدينا عايشين عشان نكون أسباب لغيرنا، المهم نستمتع بإسعاد اللي حوالينا، ونحاول نخطف شوية سعادة من الدنيا، بنتي مصدر السعادة، ربنا يقدرني إني أسعدها وأحافظ عليها وأكون أد المسئولية".