بالصور.. مشادات بين النائبة رانيا السادات وأهالي بورسعيد عبر "فيس بوك"

تعرضت النائبة رانيا السادات، عضو مجلس النواب عن محافظة بورسعيد، لانتقادات حادة من بعض أهالي الدائرة التابعة، عبر حسابها الشخصى بموقع التواصل الإجتماعى "فيس بوك"، واتهامها بعدم مراعاة مشاكل وأزمات الدائرة، والتنصل من أصدقائها.
وقالت ميرو خطاب عبر موقع التواصل الاجتماعى "فيس بوك" متهكمة على اهتمام السادات بشئون المحافظة: "ميرسى لحضرتك على الاهتمام بشئون البلد، وهى غلطة إن إحنا انتخبناكى، وعلى فكرة ده مش رأيي لوحدى ده رأى الناس كلها".
وقالت سما سمسمة: " إيه الحاجة الإيجابية اللى عملتها عايزة أعرف".
واتهمتها سمر رفاعى بالتنصل من أصدقائها، وعدم الرد على المحادثات التليفونية بعد فوزها بالانتخابات البرلمانية، بينما طالبها محمد عادل بالاهتمام بقنبلة الإسكان والشباب البورسعيدى.
وقال عبدالرءوف: "الناس إلى بتطبل وبتغني لو قاعدين في الشارع وسط ملايات على الأمين كانوا اتخرسوا، كفاية بقى تمثيل عشان كده بيقلك مفيش مشاكل في الإسكان، وحسبي الله ونعم الوكيل في كل إلى يملك كرسي وميحاولش يساعد الناس المسلمة دي يا ناس يا مسلمة".
وردت "السادات" على إحدى منتقديها عبر موقع التواصل الاجتماعى "فيس بوك" قائلة: "لو أنا صاحبتك كنتى التمستي لى مليون عذر، ومش هتدخلى تشهرى بيا على الوول زى ما أنت كاتبة كدا، ومش برد عليكى عشان أنت من أول أسبوع لما نجحت ومكنتش ملاحقة حتى اشرب كوباية مياه، وأسلوبك كان كده ودائما بتدخلى تتهكمى بالأسلوب دا، طنشت مره واتنين وعشرة ووقفت جانبك كتير ولكن انتى مقدرتيش دا، وطول ما أسلوبك كده، طبيعى أنا مش هرد، لكن حقك علي كمواطنة لو أقدر أساعد تواصلى مع أحد فريق عملى".
وأتاح موقع "بوابة البرلمان" للنائبة رانيا السادات فرصة الرد على هذه الانتقادات والاتهامات إلا أنها رفضت.