تأجيل محاكمة مرتضى منصور في اتهامه بسب ممدوح عباس

قررت محكمة جنح العجوزة برئاسة المستشار سمير سكر، وسكرتارية سامى غريب، تأجيل محاكمة رئيس نادي الزمالك الحالى، لاتهامه بسب وقذف ممدوح عباس، لجلسة 18 أبريل، لتقديم المستندات والمذكرات.
كان ممدوح عباس رئيس الزمالك الأسبق، تقدم ببلاغ ضد "منصور" يتهمه بسبه وقذفه خلال مؤتمر عقد بالنادي في 2015/8/28، وأنه قال خلاله: "يخرب بيتك قرفتنا وعمال تعيط ويجي تقرير الجهاز المركزي للمحاسبات بإهدار المال العام في سنوات ممدوح عباس ب 982 مليون جنيه.. على مسئوليتي الكلام ده، ده كلام الجهاز المركزي للمحاسبات، عشان تشوفوا الراجل ده عمل إيه، سيبكم إن اليد طفشت، والطايرة طفشت، أنا بكلمكم عن إهدار 982 مليون جنيه".
وتابع الرئيس الحالى لنادي الزمالك في حق المدعى مخاطبًا الجمعية العمومية للزمالك: "يا أعضاء الجمعية العمومية، ده راجل لو جه المفروض يتعلق على باب النادي، انت مش كنت موظف في شركة النصر وبتاخد 30 جنيه، المليارات دى جبتها منين؟؟ من الدولة العبيطة.. أنت خربت النادي رياضيا وإنشائيا، وبلطجية وعيال بتضرب حقن وسنج وستات بتتعاكس".
وقدم دفاع المدعى سى دى يحتوى على فيديو للمؤتمر الذي عُقد بنادي الزمالك وورد فيه تلك العبارات في حقه والتي تنطوي على سب وقذف.