خاص بالفيديو .. مرتضى يروي تفاصيل محاولة الاعتداء عليه

روى المستشار مرتضى منصور رئيس نادي الزمالك تفاصيل واقعة الاعتداء التي تعرض لها اليوم قبيل المؤتمر الصحفي الذي عقد لتقديم البرتغالي جيمي باتشيكو المدير الفني الجديد لنادي الزمالك، قائلًا: "السفلة المجرمين اللى محمود طاهر بيدافع عنهم اللى اسمهم ألتراس رموا على وشي مياة نار".
وتابع مرتضى:"طبعا هتلاقوا البدلة غير البنطلون لأن البدلة خلاص خلصت وفي واحده ست غلبانة بتبيع جه على وشها مياة النار فاتعمت".
وأكمل مرتضى موجهًا حديثة لمحمود طاهر رئيس النادي الأهلي: "دول يا محمود العصابة الإجرامية اللى انت بتدافع عنهم، وأنا مكمل يا محمود يا طاهر لأنك رئيس النادي الوحيد اللى بتدافع عنهم".
وأضاف مرتضى: "انا نازل من عربيتي قدام وزارة الشباب ومعنديش حراسة ومش هجيب حراسة عدى موتسيكلين كل واحد عليه 3 ولاد، نزل اتنين الأول ضربوا كام بونية كده طبعا لأنهم مش عارفين إن أنا كنت بلعب ملاكمة في الجامعة، اتنين تانيين راحوا ضاربين مياة النار".
واتهم مرتضى أعضاء الرابطة أيضًا بإلقاء الشماريخ والطوب على بعثة فريق شبيبة القبائل الذي يلاقى الزمالك وديًا، مضيفًا في رسالة لوزير الداخلية: "يا وزير الداخلية في من فضلك في أمر ضبط وإحضار ل34 بلطجي من ألتراس الأهلي و40 بلطجي من عصابة الزمالك، واللى عامل المظاهرات في الجامعات النهاردة الألتراس".
وأكمل مرتضى: "أنا معركتي معاك انت يا محمود يا طاهر لأنك لو كنت حطيت ايدك في إيدي وإيد كل الأندية المصرية المحترمة كنا خلصنا من العصابة دي لكن حضرتك طالع انت وطاهر الشيخ تقول دول ولاد طيبين جمال لذاذ طب جرب تختلف معاهم، انت مش عارف ان الدولة كلها في معركة ضدهم؟ مش دول اللى اقتحموا ناديك؟".
واختتم مرتضى: "الشعب المصري العظيم هو اللي جري وراهم ومسكهم وموجودين في النادي دلوقتى، والأمن استلمهم واستلم الشهود اللى مسكوهم.