اعتذار علني يعيد ترتيب المشهد.. ماذا قال بيومي فؤاد عن محمد سلام؟

أعاد الفنان بيومي فؤاد ظهور مشكلته السابقة مع الفنان محمد سلام إلى الأضواء مرة أخرى، بعد فترة من الغياب وهدوء الأزمة، ولكن هذه المرة جاءت بشكل مختلف، حيث قدم بيومي فؤاد اعتذارًا علنيًا لمحمد سلام.
وجاءت هذه المبادرة بمثابة مفاجأة كبيرة للجمهور، الذين لم يتوقعوا هذه الخطوة المفاجئة، وأعادت الحديث عن العلاقة بين الفنانين إلى المشهد الفني بشكل إيجابي ومؤثر.
أزمة محمد سلام و بيومي فؤاد
تعود بداية الأزمة بين بيومي فؤاد ومحمد سلام إلى موقف سابق، بعد أن اعتذر محمد سلام عن المشاركة في مسرحية "زواج اصطناعي" ضمن فعاليات موسم الرياض، الأمر الذي تسبب في توتر العلاقة بين الفنانين لفترة.
وشارك وقتها محمد سلام مقطع فيديو اعتذر فيه عن المشاركة فى المسرحية قبل سفره بساعات قليلة وقال فى الفيديو: "بكرة المفروض أسافر الرياض عشان أعرض مسرحية "زواج اصطناعى فى موسم الرياض، المفروض أنها مسرحية كوميدية فيها أغاني، استعراضات، والمفروض نعرض يوم 30 أكتوبر".
اقرأ أيضا| جلسات فكرية وعروض مسرحية.. تفاصيل فعاليات اليوم في مهرجان المسرح العربي
وتابع: "المفروض نعرض وسط الأحداث اللى بتحصل فى غزة، أنا مش متخيل إنى أروح أعمل مسرحية وإخواتنا فى فلسطين بيتقتلوا، أنا مش هقدر أسافر، كان عندى أمل الفترة اللى فاتت أن العرض يتلغي أو يتأجل".
وأضاف سلام: "أنا حاسس لو عملت كده هكون زي اللي بيقتلهم وهكون خذلتهم، أنا بعتذر جدا عن المشاركة فى موسم الرياض".
وبسبب ذلك الفيديو، وجد محمد سلام نفسه متهمًا بوضع باقي فريق عمل المسرحية في موقف حرج أمام الجمهور، خاصة مع تقديمهم لعمل كوميدي في ظل ما كان يحدث في فلسطين. وعلى إثر ذلك، تم الاستعانة بالفنان محمد أنور للمشاركة في المسرحية بدلًا منه، ليصبح هو الآخر في دائرة الجدل، حيث نال النصيب الأكبر من الهجوم والانتقادات بسبب موافقته على المشاركة في العمل في تلك الظروف.
وظهر بيومي فؤاد في إفتتاح العرض على المسرح وجه من خلاله كلمة للجمهورالسعودي و المصري قائلا: "من حقك أنك تعتذر عن المسرحية، لكن مش من حقك أنك تغلط في فنك.. إحنا ما بنجيش عشان نضحك حضراتكم.. إحنا بنقدم فننا المصري، وإنتم بتحترمونا وإحنا بنحترمكم جدا"ز
وتابع: " شئ عظيم إن أنا أخرج وإتصور مع شاب سعودي أو سيدة سعودية، وهي تعلم أن أنا مصري فأنا بشرف بلدي.. محمد أنور راجل وأنقذ موقف وكان قدها.. وأنا فنان مصري وليا الشرف.. جيت المملكة العربية السعودية وليا الشرف.. إحنا بنتعب وبنقدم فن ولو الموضوع كدة ف في فنانين كتير من أيام نجيب الريحاني المفروض ينتحروا".
بيومي فؤاد ل محمد سلام: أنا غلطت
وعاد الخلاف بين الفنان بيومي فؤاد والفنان محمد سلام ليتصدر مواقع التواصل الاجتماعي والسوشيال ميديا من جديد، وذلك بعد أن وجّه بيومي فؤاد رسالة اعتذار لسلام عقب مرور عامين على اندلاع الخلاف، وجاء ذلك خلال استضافته في أحد برامج البودكاست، حيث تحدث بصراحة عن تفاصيل الأزمة، ما أعاد الجدل والتفاعل من جديد بين الجمهور والمتابعين.
وقال بيومي فؤاد خلال إستضافته في البرنامج: "أنا غلطت في الفيديو بتاعي، الناس ملهاش غير الظاهر، الناس مش عارفة إي كواليس في أي حاجة والظاهر بالنسبة لهم إن أنا واحد ببيع صاحبي، أنا مابقولش الكلام دا عشان الناس ترحمني، أنا لسه لغاية دلوقتي الناس بتقول علي بيومي فؤاد رخيص، ومابقولش كدة عشان يرحموني، أنا اقسم بالله لا بقرأ دا ولا دا ومعنديش سوشيال ميديا خالص، وبعد اللي حصل دا كله طلبت من الأولاد اللي ماسكين الفيسبوك بتاعي أنهم يقفلوا كل السوشيال ميديا".
وأكمل بيومي فؤاد حديثه: "أنا اكتشفت أن الفيسبوك كان مفتوح من برا، ومعرفش يعني إيه الكلمة دي، فتحوه من برا مصر، واكتشفت لما بعاتبهم إن قولت لهم اقفلوا الصفحات إن في بيوت مفتوحة و4 أو 5 عيال بيجيلهم فلوس شهري، وقولت لهم اعلموا اللي انتم عايزينه بس من فضلكم تابعوا مع المدام اي حد توفى هتبعتوا له، لأن المدام اكتشفت إن "إنا لله وأنا إليه راجعون" بيكتبوها غلط، وأقسم بالله ما معايا تليفوناتهم دلوقتي.. ولا بشوف حاجة ولا بعمل حاجة".
وتسأل: " الكلام دا أنا قولته قبل كدة، الناس ملهاش غير الظاهر، والظاهر أنا نفسي لو شوفت الفيديو بتاعي دا بقرف ومش عايز أشوفه، بس مبرره إيه؟
بيومي فؤاد ل محمد سلام: أنت اعتذرت واحنا قبلنا الاعتذار
وأوضح: " أنت اعتذرت في التليفون وإحنا قبلنا من بعد ما كلمتك مرة واتنين وتلاتة وأنت حبيبي وأنا حبيبك، وقولت لك مش عايز حاجة من السعودية، قولت لي لا يا حبيبي، وطلبت منه ترشيح وقالي هات أي حد من مسرح مصر، والناس طلبوا مني الحق الفيديو اللي نزله، فأنا معرفش ومكنتش شوفت فبعتوا لي ولسه بتفرج عليه، ولقيت ناس فنانين بيبعتوا لي الحق، الحق، ليه؟
وأختتم حديثه قائلا: "عشان أنا ولي امره، وبيقولوا لي الحق ومايعرفوش أن أنا كلمته في التليفون ومايعرفوش أن أنا في المسرحية، فكلمته وقولت له أنت اعتذرت واحنا قبلنا الاعتذار يا سلام، بس ارفع الفيديو دا، قال لي لأول مرة هقول لك أسف، قولت له براحتك يابني، وأنا أخر واحد في الدنيا ممكن يتخيل تأثير هذه الحاجات على البني أدمين".