تامر حسني يقترح على جمهوره إقامة حفل هادئ مثل الأوبرا

شارك الفنان تامر حسني متابعيه فكرة جديدة لحفل موسيقي، مستوحاة من تعليق إحدى المتابعات، التي اقترحت أن يكون الحضور جالسًا مثل دار الأوبرا المصرية.
وكتب تامر حسني عبر حسابه الرسمي على موقع التواصل الاجتماعي «فيسبوك» : شوفت تعليق من بنت اسمها هالة الشناوي بتقترح إني أعمل حفلة يكون الحضور فيها جلوس زي الأوبرا وأغني أغان هادئة، فعلاً فكرت يا هالة في الفكرة دي، وكمان إني أوزعها كلها مع أوركسترا كبيرة.
وأضاف: بجد نفسي أغني من غير حركة وتنطيط ورايح جاي، وأقدملكم حفلة كاملة زي طريقتي لما غنيت نسيانك صعب، شجعتيني يا هالة والله، إيه رأيكم يا شباب؟ ولا كله عايز يتنطط ويكون الحفل زحمة؟ قولولي رأيكم.
في سياق متصل، هنأ تامر حسني صديقه المخرج محمد سامي بعد تراجعه عن قرار اعتزال الإخراج التليفزيوني الذي اتخذه في مارس الماضي، مؤكدًا أن هذا القرار صحيح ويستحق الدعم.
وجاءت تهنئة تامر حسني عبر منشور على «فيسبوك»، حيث كتب: "ربنا يكرمك يا محمد صح كده احسنت قولًا ومتأكد هيبقى قولاً وفعلاً وزي ما تميزت وبقى في نهج واضح ليك نجح لسنين طويله، بعد كلامك ده حسيت انك إن شاء الله هتعمل خطوة مهمة هتبقى نقلة كبيرة ليك، والدرامتنا المصرية والعربية والمكسب الكبير هيبقى للجمهور ربنا يوفقك يا حبيبي".
ورد محمد سامي: "بحبك يا وش السعد يا صاحبي وأخويا الجامد جدًا".