بعد إعلانه الاعتزال.. تامر حسني ل «محمد سامي»: سافر وانت منتصر بتاريخك

حرص الفنان تامر حسني على دعم صديقه المخرج محمد سامي بعد إعلانه اعتزال الإخراج الدرامي لتكون مسلسلات «إش إش» و«سيد الناس» والتي تعرض حاليا ضمن منافسات مسلسلات رمضان 2025 آخر اعماله الدرامية.
وعلق تامر على قرار سامي بالاعتزال والذي نشره عبر صفحته الشخصية على انستجرام موجها له رسالة يطالبه فيها بالتفكير مرة أخرى في قراره مؤكدا له أنه يمتلك تاريخ كبير وناجح في الدراما وأن الانتقادات لا يجب أن تسبب له الإحباط.
وكتب تامر حسني قائلا :«أوعى تكون عايز تبعد عشان أي إحباط جايز يكون فعلًا في بعض المشاهد اللي الناس انتقدتها وأنا شخصيًا استغربتها شويه وقولت جوايا أنك مش محتاج تعملها أصلًا لأن عندك الحقيقي والأهم بس على رأيك الفنون جنون أحيانًا فكره مجنونه تنال الإعجاب وفكره لأ».
إقرأ ايضا: هل هروب فتحية وراء مقتل ابن الجارحي؟.. سيناريوهات الحلقة 20 من «سيد الناس»
وتابع: «بس ده ميخليناش ننسى إنها بعض مشاهد مش بعض أعمال لأنك بالفعل المخرج الوحيد في تاريخ مصر اللي مفشلش ولا مره ويمكن الحظ محالفكش أوي في عمل ولا 2 على مدار 14 سنة ودي حاجه مينفعش الجمهور ينساهالك» مضيفا :«أنت قدمت مسلسل آدم اللي جمع كل المصريين وكل الوطن العربي يتفرجوا عليه زي ماتشات الكوره بسبب أنه أتكلم عن قضية تخص كل الوطن وكان بدايه لصوره جديده أول مره كانت بتتقدم في مصر».
واستكمل :« وبعدها سبق الإصرار وحكاية حياه اللي كانوا نقله كبيره في ديكورات الدراما المصرية وبعدين الأسطورة والبرنس وجعفر العمدة اللي حققوا نجاحات ساحقه وكانوا أعلى نسبة مشاهدات في الدراما بشكل عام وبعدهم نعمة الأڤوكاتو وإش إش وسيد الناس اللي برضو كل واحد فيهم يا أعلى مشاهدة يا تاني أعلى مشاهدة».
وأكد تامر حسني أن نقد الجمهور لمحمد سامي نابع من حجم موهبته ونجاحه قائلا :«هزعل منك لو هتمشي محبط وأنت أنجح حد ... الشجرة الخضراء الجميله ساعات بيطلعلها ورق أصفر بسيط عادي بيتقص وبتفضل شجرة كبيرة وجميلة وده التطوير الطبيعي للبني آدم واللي بيمر بيه أي ناجح بيطور وعنده شخصية».
اقرأ أيضا: بعد 15 عاما.. المخرج محمد سامي يودع الدراما التلفزيونية لهذا السبب
وأوضح:« بدليل مسلسلاتك بيتقال عليها مسلسلات محمد سامي وتركيز الناس معاك دليل على حبهم لأعمالك ورغم إن بعضهم بينتقدوها بس متابعينها حرف حرف ونقدهم ليك بيبقى على قد حجمك وهي دي ضريبة الناجحين الكبار ... سافر وكمل حلمك وأنت منتصر بتاريخك وأوعى تُحبط».
وأضاف :«أنا عارف إن محمد سامي اللي أكتشفته أنا وقدمته للصناعه وهو عنده 27 سنة لا يمكن هيتهز ممكن يزعل يومين ويراجع نفسه في مشاهد أنا مبسوط منك أنك بمنتهى الشجاعة الأدبية أعتذرت على تقديمها خد راحه شوية وإرجع أقوى من الأول وأنا واثق من اللي هتسافر عشانه أنه قرار هيضيف نقله كبيره لمشوارك».
واختتم تامر حسني رسالته إلى محمد سامي قائلا :«أوعى تخلي الزعل من بعض المشاهد ينسيك أنت قدمت ايه للدراما ياريت قبل ما تقسوا على سامي بالطريقة دي نفتكر هو أمتعنا سنين قد ايه بمسلسلاته وأنا ذكرتها كلها عشان لو حد ناسي أفكره وعشان لو هو محبط يجمد تاني ربنا ينور طريقك وترجع أقوى وأقوى من أي وقت واثق فيك يا حبيبي وأنا هفضل أخوك الكبير وفي ضهرك إن شاء الله طول العمر يا بطل».