حلت الفنانة نادية شكري ضيفًا على برنامج "الستات مايعرفوش يكدبوا"، المذاع على قناة "CBC". وقالت نادية شكري: "أنا بدخل على التيك توك وبحب أنصح الناس وخاصة البنات ومنها ماحدش يتجوز في سن صغيرة ودي من تجربتي الشخصية، لأن عيوب الجواز بدري أكتر من مميزاته". وأضافت نادية شكري: "البنت لما تتجوز صغيرة بتبقى خارجة من بيت العيلة والدلع فتصطدم بمسئوليات كتير ومعاملة فيها غربة مع شخص غريب، فبتزعل وتاخد على خاطرها بسرعة وتعتبرها إهانة، الجواز مسئولية قبل ما يكون حب". ولفتت نادية شكري: "من ضمن أسباب فشل جوازي إني كنت غيورة بزيادة، الغيرة دمرت لي حياتي ولو رجع بيا الزمن تاني مش هاتطلق من سامي العدل بدليل اني متجوزتش بعد منه وأهله دول أهلي لحد دلوقتي وسندي بعد ربنا وعائلة العدل حتى بعد الانفصال إخوتي وحبايبي". وعن سبب انفصالها عن الفنان الراحل سامي العدل، أوضحت نادية شكري: "غيرتي الزائدة وتهوري وسريعة الغضب كان سبب طلبي الطلاق منه". اقرأ أيضًا : نادية شكري: أحمد زكي ضربني بالقلم من غير سبب في كواليس «العيال كبرت»
