محمد رحيم: «عمرو مصطفى أخف دم ممكن تشوفه في حياتك»

شارك الموسيقار والملحن الكبير محمد رحيم جمهوره ومتابعيه، بصور جديدة له رفقة الملحن العالمي عمرو مصطفى، خلال تواجدهما سوياً في العاصمة الفرنسية باريس، لتكريمهما من مؤسسة الساسيم العالمية ومنحهما العضوية الدائمة.
وكتب رحيم على الصورة: «بجد عمرو مصطفى في السفر من اعسل الناس واخف دم ممكن تشوفه في حياتك، وضحكنا ضحك بجد بقالنا كتير مضحكناش كده».
وتابع: «والف مبروك على كميه المبدعين المصرين اللى تم تكريمهم السنادي من جمعيه sacem الفرنسيه العالميه والسنادي مصر في المجال الموسيقى محققه نجاحات وانتصارات الحمد لله وان شاء الله في السنين اللى الجايه يتكرم عدد اكبر واكبر»
و وصال محمد رحيم، قائلاً: «ومره تانيه بجدد شكري الكبير للسيده الفاضله وزيره الثقافه الدكتوره نيفين الكيلاني اللى ساعدتني على السفر لتسلم جائزتي وتسلم باقي شهادات الاحتراف الدولية لبقيه المبدعين من فرنسا والشكر موصول للدكتوره ايمان نجم وكيله وزاره الثقافه والسيد القنصل العام للدولة الفرنسيه في مصر».
واختتم: «وتحيا مصر دائما في كل المجالات ولا ننسى جمهورنا الغالي اللى بيقدر اعمالنا ومجهودنا وهو اللى بيرفعنا وبيشجعنا في مصر والوطن العربي وكل العالم والحمد لله رب العالمين».
وكان كان كتب محمد رحيم منشورا، عبر حسابه على فيس بوك، راويا فيه أزمته مع عدم قدرته على السفر، بسبب عدم استطاعته استخراج تأشيرة السفر إلى باريس؛ لاستلام جائزته من جمعية Sacem.fr العالمية، وهو درع الإبداع الماسي، وجاء مضمون المنشور على النحو التالي: نجاح عالمي يضيع على مصر بسبب تأشيرة السفر.. إحساس بالظلم والقهر ملوش وصف ولا تشبيه.
وقال رحيم: "لما تقعد تشتغل 25 سنة تبذل فيهم أكبر مجهود علشان تثبت نفسك وتحاول يكون ليك مكان، وبعد ما ربنا سبحانه وتعالى يكرمك وتنجح وتشتغل مع أكبر نجوم عمرو دياب ومحمد فؤاد وحميد الشاعري في نفس الشهر وأنت عندك 19 سنة، تدخل في محنة وتحدي أكبر منه بكتير اسمه الحفاظ على النجاح، ومن ساعتها تبدأ رحلة أكثر جدية ومجهود بتشتغل في اليوم 20 ساعة، وتلاقي أكبر جمعية مؤلفين وملحنين في العالم sacem باريس تبعتلك أنت الوحيد دعوه للتكريم أنت وأسماء معدودة من كوكب الأرض علشان تيجي تاخد شهادة الاحتراف الدولية الذهبية ومفيش مذيع يستضيفك يقولك احكيلنا ازاي حققت العالمية ورفعت اسم بلدك وأنت قاعد في مصر ووصلت فنك لكل دول العالم".
واختتم: «كنت أتمنى أروح أرفع علم مصر من فرنسا وأقول إن ده إهداء لكل المبدعين المصريين ولبلدي أم الدنيا لكن للأسف مفيش تأشيرات بتصدرها سفارة فرنسا قبل شهر أغسطس والحفلة بكره إن شاء الله في باريس 13/6 وللأسف مش هقدر أروح علشان مفيش visa انتوا متخيلين الكارثة والعبث».
اقرأ ايضاً - أحدث ظهور ل بوسي.. احتفلت مع ابنتها مي بعيد ميلاد شقيقتها نورا