أرملة عمار الشريعي: أعماله مازالت موجودة بعد وفاته ب10 سنوات

قالت ميرفت القفاص، أرملة الراحل عمار الشريعي، إن الراحل عمار الشريعي وبالرغم من رحيله عن عالمنا منذ ما يقارب ال10 سنوات، لكنه لا يزال موجودا بداخل أسرته الصغيرة، كما أن أعماله لا تزال موجودة ويسمعها الجميع، متابعة "عمار أعماله عايشة، ولسه بنتفرج على الدراما بتاعته من مسلسلات وأفلام وأغاني".
أضافت القفاص، خلال مداخلة هاتفية لها ببرنامج "السفيرة عزيزة"، وتقدمه الإعلاميتان شيرين عفت ورضوى حسن، على قناة "dmc"، أن الراحل الكبير لا يزال له الكثير من المحبين والمعجبين والذين دائما ما يؤكدوا أنهم قد علمهم ورباهم ثقافيًا وموسيقيًا، متابعة "الحجات دي بتفرحني، وبفرح لما بيكلموني في ذكراه".
استطردت: "أنا كنت مع بني أدم محترم بيقدر الست اللي معاه وبيته وبيحبني وابنه، والواحد لما بيسمع المشاكل الزوجيه دلوقتي بيقول أزاي فيه رجاله كده، أنا كنت مع راجل محترم جدا ومحسسنيش أني مختلفة عنه، وربنا يرحمه كان زوج فرفوش مبيحبش النكد وطيب وراضي باللي ربنا قسمه ليه ومقدر النعمة اللي معاه".
أوضحت أن قصة حبهما بدأت في عام 1988، وتركها وتوفي في عام 2012 أي بعد قصة زواج استمرت ل25 عاما، متابعة "بقالي 10 سنين عايشة علشان مراد وأحقق فيه اللي بباه كان عايزه".
اقرأ أيضا| موزع موسيقي يتهم فيلم إسرائيلي بسرقة ألحان عمار الشريعي