سمية الخشاب: أي علاقة تمنها كرامة الإنسان تغور في داهية .. هل تقصد شيرين؟

وجهت الفنانة سمية الخشاب رسالة إلى جمهورها طالبتهم فيها بعدم التعاطف مع أي شخصية تزامنا مع عودة المطربة شيرين عبد الوهاب للفنان حسام حبيب.
وكتبت سمية الخشاب عبر حسابها على تويتر: "بعد كده يا حبايبي منتعاطفش مع حد إلا لما نتأكد أنه هو نفسه متعاطف مع نفسه عشان منحرقش كتير على الفاضي".
وأضافت: "أي علاقة تمنها كرامة الإنسان تغور في ستين داهية، العالم فيه 6 مليار والله".
إقرأ أيضا - «كتبنا الكتاب من جديد».. كواليس عودة شيرين لحسام حبيب| فيديو
وتابعت سمية الخشاب: الواحد لما بيركز فى شغله وحياته وشكله بيوصل لمرحلة ملكية مبيبقاش فعلا محتاج لحد، إلا لو هو بلا هوية ولازم يكون تابع لحد عشان يعرف يعيش.
واستكملت: "المهم يا بنات ويا ستات ارجوكم حاولوا علي قد ما تقدروا تبقوا good representation واعرفوا قيمه نفسكم واعرفوا انكم مش محتاجين اي حد في الدنيا، ده بالعكس هما اللي محتاجيننا اكتر".
وتصدرت الفنانة شيرين عبد الوهاب تريند مواقع التواصل الاجتماعي المختلفة، بعد إعلانها أمس عودتها إلى الفنان حسام حبيب، حيث أكدت أنه حب عمرها ولا تستطيع الاستغناء عنه بسهولة.
طالع أيضا - أول تعليق من والد حسام حبيب على عودته لشيرين: «عايز حفيد صغير»
وفي السطور التالية نرصد تصريحات شيرين وحسام حبيب، مع الإعلامي عمرو أديب عبر برنامج "الحكاية"، بعد الإعلان عن عودتهما لعش الزوجية.
تصريحات شيرين
- حالتي الصحية جيدة وهناك شعوبًا وسط مشغالها بتسأل عليا وبتطمن عليا وما زالت أخضع لعلاجها النفسي.
- ممتنة لجمهوري وللحب الذي شهدته خلال فترة مرضي سواء بكلمة جيدة أو مش كويسة لأن من ذكرها بكلمة سيئة كان بهدف حبهم لي.
- أنا اتاخدت على خوانة، مرة واحدة لقيت نفسي في المستشفى، والأيام كانت صعبة، وبقيت كويسة بفضل المستشفى والناس عملولي كل حاجة وكانوا مدلعني، وبقيت كويسة جدا.
- عسى أن تكرهوا شيئا وهو خير لكم، وبشكر محمد السيد عبدالوهاب أخويا لأنه عرفني بالمستشفى لأنهم راعوني، وعلموني أنام بدري وأصحى بدري.
- قلبي متسامح، وأتعافى عندما أسامح الآخرين ومش ممكن أرضى إن أمي تبات ليلة زعلانة عشان على خلاف مع بنتها وبتنازل عن كل حاجة.
- تم كتب كتابي على حسام حبيب وبطمن الناس عليا وعايزة أعتذر لحسام وأقفل فقرة حياتي الخاصة مع الناس لأن الناس انشغلوا بيا وسط مشاكلهم، واللي حصل ده شيطان بين 2 متجوزين والحمد لله ربنا فكها بسلام، ومقدرش أقول إن حد عملي عمل، بس الكلام ده ذكر في القرآن.
.
- أنا في أمان لأني وسطكم، وأنتم ضهر ليا، وبأكد إن عائلته ناس طيبين وكويسين.
- هعيش في النور وأنزل أنا وحسام حبيب ناكل فول وطعمية وسط الناس.
- الإعلامية نضال الأحمدية أول من علمت بخبر زواجي من حسام حبيب وأرسلت لي بوكيه ورد ودعت لهم بصالح الحال والتوفيق.
- أنا زي أي بنت خارجة من بيت ومتربية على عادات وتقاليد وبحط جوزي فوق دماغي، وسامحوني أمور بيتي ديه مش هتطلع للعلن.
- بشكر كل الناس ويا رب تناموا مبسوطين النهاردة.
حسام حبيب
- أنا وشيرين عبد الوهاب مثل أي شخصين في الدنيا وسبب الخلاف بينا هو أن حياتنا مفتوحة على الملأ.
- أنا وشيرين وضعنا شروطا جديدة للعودة، أهمها الحفاظ على الحياة الشخصية ووعدنا بعض إن كل واحد هيشرف التاني، وحياتنا خاصة بنا.
- بقول لجمهور شيرين أنا بحبها زيكم، وهي عدت بفترات صعبة.
- شيرين أقنعتني بالعودة، إحنا زي أي اتنين في الدنيا، خناقتنا هبلة وعبيطة.
- اتكلمنا قبل ما نرجع، حطينا قواعد، كل واحد محتاج يركز في حياته، وحياتنا إحنا الاتنين مع بعض تبقى مقفولة علينا، وحطينا كل واحد أهدافه، وإيه اللي كان مضايقة في التاني.
- أنا زعلان على شيرين ومش هعرف أوضح كل حد حاجة، وأنا مبحبش أدافع عن نفسي.