أصالة: كنت بتعالج عند أطباء نفسيين بعد الطلاق

حلت الفنانة أصالة والفنان أحمد سعد، ضيفة في برنامج "معكم" للإعلامية منى الشاذلي، المذاع على قناة "Cbc".
وتحدثت أصالة، خلال الحلقة عن لجوئها للأطباء النفسيين بعد انفصالها من طارق العريان وقبل زواجها من فائق حسن، قائلة: "أنا كنت عايشة حياة شيزوفرينيا وكنت بتعالج عند أطباء نفسيين مش طبيب واحد".
وتابعت أصالة: "في نفس الوقت كنت بشتغل كتير، وفعلاً من أول الصدمة كانت أكتر مرحلة اشتغلت بها في حياتي، وأنا حتى لما كنت معاكي في البرنامج قبل كده مكنتش عارفة بحكي إيه وحاسة نفسى في دوامة ومش عارفة ايه اللى يتقال وايه اللى مينفعش يتقال وكل أفكاري متضاربة".
أصالة: «زوجي طلب مني قص شعري.. وطلباته أوامر»
وأضافت أصالة نصرى: "أنا عندي دكتور بيحبنى كتير وبيحب صوتي وبيتابعني، وأنا كتير بحبه بحس إنه بيعالجني بالشيء اللي احبه، ولكني استشرت كمان دكاترة أخرى عالجوني بالكلام والحكمة وهم من الأشخاص اللي أثروا فيا".
وتابعت: "خضعت للأدوية وكانت أسوأ شيء في حياتي واستمرت فترة الأدوية حوالي 8 أشهر، وبمرة اتفلسفت وأخدت حباية زيادة عانيت بعدها يومين تلاتة ومكنتش قادرة أمشي على رجلي، وانفصلت عن الأدوية قبل عيد ميلادي بأيام".