رسالة جديدة من مجدي الهواري بعد دفن شقيقه

أعرب المخرج مجدى الهوارى، عن حزنه الشديد على وفاة شقيقه الذي رحل عن عالمنا منذ أيام، وشيعت جنازته من مسجد السيدة زينب.
وكتب مجدى الهواري، عبر حسابه الرسمي بموقع التواصل الاجتماعى "فيسبوك": "مفيش كلام يعبر عن الحالة دلوقتي، حد يخترع حروف جنب بعضها تقول كلمة توصف الاحساس ده.. حالة حزن وآلم ديه".
وتابع "الهوارى": "عارف لما تبقي عايز تقول اااااه من وجع فيه وجع ... مش زي اياه اللي عارفينه كلنا لا ، مش وجع من حاجة وجعاك بردو لا ، وجع من حاجة ملهاش ماسكة كده .. علشان تدوس عليه فاتوجعك حتي اكتر .. فاتمسكها وتحسسك انك حتي عرفت مكنها فين !! فتفصح عنه وعنها فيقولك دكتورك علاجها ايه مثلًا اي برشامة ولا حقنة واضرب منها شريط حتي ! طب وحتي لو ملهاش علاج . عادي .. بس اهو عادي !".
وأضاف: "يمكن لما تقول لحد مكانها وتخرج اللي جواك يمكن تخفف الوجع عنك شوية ، طب مانا بخرج اهو ولا ايه حاجة .. ماله الحزن والألم العادي بس.. ماحنا ياما حزنا وتأثرنا مكنش يبقي هو وخلاص".
واستكمل: "بس الحقيقة الحزن على الاخ بيجب معاه وجع غريب مشروط كده بالطول في الواحد ومتساب في الهوا وهو عريان كمان .. كل ماالهوا يفتكروه او يشوف صورته او يسمع صوته او يفتكر ضحكته وطيبته .. يرجع تاني يقول اااااه من الوجع . ولما حد يسألك ايه .. فين بيوجعك تقوله معرفش .. طب اوصف الوجع تقوله معرفش.. طب ايه اللي بيوجعك .. تقوله فراق اخويا وبس .. ربنا مايعديه علي حد النوع ده من الوجع دعوة من حد موجوع هنا".
وأقيم عزاء شقيق المخرج مجدي الهواري، يوم الثلاثاء الماضي بمسجد المشير في التجمع الخامس.
وكان أول الحاضرين لتقديم واجب العزاء الفنان يحيى الفخراني والفنان مصطفى شعبان.
وكان مجدي الهواري، قد كتب عبر حسابه الرسمي على موقع التواصل الاجتماعي «فيس بوك»: «هكتب كتير فيك يا غالي يابن الغاليين بس بعد ما ناخد عزاك.. إنا لله وإنا إليه راجعون.. توفي إلى رحمة الله أخويا الغالي جمال الهواري الأخ والصديق والأب والحبيب.. كسرت قلبي يا جمال.. بكاء وحزن كتيييير.. ربي ارحمه واغفرله واسكنه فسيح جناتك».
وكشف مجدي الهواري، عن موعد ومكان صلاة جنازة وعزاء شقيقه، فستقام اليوم الثلاثاء عقب صلاة الظهر في مسجد السيدة نفيسة والعزاء في مسجد المشير بداية الساعة السادسة مساءً.
وطالب مجدي الهواري، من متابعيه الدعاء لشقيقه: «دعواتكم لأخويا إللي مربيني بالرحمة والمغفرة وأسألكم له الفاتحة».
ويعود مجدى الهواري في موسم رمضان المقبل للدراما التليفزيونية بمسلسل، وذلك بعد غياب 3 سنوات حيث قدم آخر أعماله مسلسل «الشارع اللى ورانا» وبطولة درة، فاروق الفيشاوى، لبلبة، نسرين أمين، نهى عابدين، إنجى ابو زيد، هند عبد الحليم، أحمد حاتم، شيرين، أحمد عزمى، وأحمد ماجد، وآخرين، تأليف حاتم حافظ، ودارت أحداثه حول الهلاوس والتخاريف الفاصلة بين الحياة والموت.