ننشر اعترافات المتهم الثالث بقتل شهيدة الغدر «نجلاء نعمة الله» بكفر الدوار

حصلت «بوابة أخبار اليوم» على نص اعترافات «محمد.ع.ج» 19 عامًا، المهتم الثالث في قضية قتل شهيدة الغدر «نجلاء نعمة الله»، سكرتير طبيب عيون بمدينة كفر الدوار بمحافظة البحيرة، اما النيابة العامة .
وقال المتهم في اعترافاته أمام النيابة العامة،:" اسمي محمد.ع.ج، 19 عامًا، واعمل عامل ومقيم كوم القاضي البسلقون التابعة لمركز مركز كفر الدوار".
س/ ما قولك فيما هو منسوب اليك من انك متهم واخرين بقتل المجني عليها " نجلاء نعمة الله سعيد"، مع سبق الإصرار والترصد بأن بيتم النية وعقدتم العزم على ازهاق روحها واعددتم لذلك الأسلحة والأدوات المضبوطة وتوجهت لمحل عملها بعد أن ايقنتم سلفا بتواجدها فيه بمفردها وقمتم بخنقها وكتم انفاسها وشل حركتها متعدين عليها بالضرب محدثين ما بها من إصابات مما اودي بحياتها على النحو المبين بالتحقيقات؟
ج/محصلش انا مكنتش رايح اقتلها ومعرفش بالموضوع غير هناك.
س/ ما قولك فيما هو منسوب اليك من انك متهم بسرقة المنقولات والمبالغ الماليه المبينه وصفا وقدرا بالاوراق والمملوكه للمتوفاه الي رحمة مولاها كرها عنها بالاشتراك واخرين حال حملكم اسلحه علي النحو المبين بالتحقيقات؟
ج/محصلش انا مشيت وسبتهم.
س/ ما قولك فيما هو منسوب اليك من انك متهم بإحراز وحيازة أسلحة بيضاء (مقص، سكين، كتر) دون مسوغ من الضروره المهنية والحرفيه بقصد استعاملها في ارتكاب الجريمتين محل الاتهامين السابقين علي النحو المبين بالتحقيقات؟
ج/محصلش انا لقيت الحاجات دي هناك.
س/ ما قولك فيما هو منسوب اليك من انك متهم بإتلاف الكاميرا المملوكه للمجني عليها عبد الحميد محمد عبد الحميد عمدا وترتب على ذلك ضررا ماليا قيمته اكثر من خمسين جنيه؟
ج/محصلش انا كنت مشيت.
س/انت متهم بدخول عقار بقصد ارتكاب جريمه فيه ؟
ج/ ايوه كنت رايح على اساس هنرجع حاجة نورهان.
س/ ما الذي حدث يوم الجريمة؟
ج/ ماكنتش اعرف حاجة وبعد شوية جالي رسالة من نورهان ومصطفي شدني وطلعنا على فوق وقالي متخافش انت حتقف عند الباب بس وانا اللي حعمل كل حاجة ونورهان حتوقف نجلاء ضهرها لنا في الحمام ومش حتشوفنا وفعلا طلعنا وانا كنت خايف ودخلنا العيادة ومصطفى راح علطول على الحمام وكتم صوت نجلاء وانا كنت لسة عند الباب فقفلت الباب بتاع العيادة ودخلت جري لاقيت مصطفي كاتم نفسها واخدت اللزق وحاولت احطه على بقها عشان متصوطش وساعتها نجلاء خربشتني في رقبتي من الناحيتين بايديها وانا خفت ورميت اللزق وطلعت اجري ومعرفتش ايه اللي حصل وفضلت قاعد في البيت لحد ما المباحث جات واخدتني .
س/ ومتى تكونت لديكم نية القتل؟
ج/ انا مكنتش اعرف حاجة عن القتل واول مرة احس بخوف لما مصطفي قالي العصير والمنوم.
س/ وما علاقتك بالمدعوة/ نورهان جميل وهل من خلافات؟
ج/ هي قريبتي من بعيد وفي البلد اللي جنبنا.
س/ وما الذي حدث عقب ذلك؟
ج/ أول لما رحت لاقيته قاعد عند المول من ناحية الترعة بتاعة المحمودية وبعد شويه جاله تليفون من نورهان وقام اتكلم بعيد عني ولما رجع قالي أن البنت اللي سرقاها مش عايزة تشرب العصير اللي فيه المنوم انا ساعتها قلقت وخفت وقولت انا ماليش دعوي قالي متخافش كدة كدة نورهان حتغفل البت وتخلي ضهرها لينا وهي مش حتشوفنا وحناخد الحاجة ونمشي وفعلا بعد شوية جاتله رسالة من نورهان راح شاددني وطلعنا على العيادة وسبقني هو ودخل وانا قفلت الباب ورايا ودخلت كان هو ماسك نجلاء من ضهرها وكاتم بقها وفجاه لاقيتة وقع على ضهره وهو معاها وشاورلي على اللزق وانا حاولت اكتم بقها باللزق بس هي كانت بتقاوم وبتصرخ وراحت مخربشاني ومعوراني في رقبتي انا خفت ساعتها رحت سايبهم وسايب العيادة وطلعت اجري.
س/ وهل المتهم / مصطفى.خ.ع على علم بخلاف المجني عليها والمتهمة؟
ج/ ايوة.
س/ وما سبب اشتراك المتهم / مصطفى.خ.ع في تلك الواقعة؟
ج/ هو جار نورهان وقريبها وهو اللي عرض عليا الموضوع ده.
س/ وهل قمتم بالتقابل فيما بينكم جميعا؟
ج/ لا انا ومصطفي كنا اتقابلنا لوحدنا وهو ونورهان كانوا بيتقابلوا لوحدهم.
س/ وما مضمون الاتفاق الذي تم فيما بينكم؟
ج/ ان احنا نرجع حاجة نورهان وانا ومصطفي حنستفيد بالفلوس والحاجات اللي حناخدها من فوق.
س/ وما هي الأعمال التحضيرية والموعد المتفق عليه لتنفيذ ذلك؟ ج/ انا محضرتش اي حاجة انا مصطفي حكالي يوم الاحد ويوم الثلاثاء قابلته عند المول وشدني بعد المكالمة والرسالة التي جاتله من نورهان.
س/ وما سبب اختياركم لذلك الموعد؟
ج/ معرفش.
س/ ومن منكم قام بوضع تلك الخطه وتحديد الأدوات المستخدمه وكذا الأدوار فيما بينكم الازهاق روح المجني عليها نجلاء نعمة الله سعيد ؟
ج/ انا معرفش حاجة عن الموضوع ده غير يوم الثلاثاء لما مصطفي قابلني لان يوم الأحد مكملناش كلامنا انا ومصطفى.
س/ ما قولك فيما قررته المتهمة/نورهان جميل بتحقيقات النيابة العامة من قيامك بمعاونتهما بكتم انفاس وازهاق روح المتوفاه إلى رحمة مولاها؟
ج/ محصلش انا حاولت احط اللاصق ولما اتخربشت جريت.
س/ ما تعليلك لما قررته سالفة الذكر؟
ج/معرفش.
س/ ما سبب دلوفك لمحل الواقعة إذا عقب علمك بحيازة المتهمين لاسلحة بيضاء وانتوائهم استخدامها بالواقعة؟
ج/ انا اتفاجئت قبلها علطول.
س/هل ارغمك احد علي الاشتراك بالواقعة عقب علمك بذلك؟ ج/لا .
س/هل ابصرت المتهم / مصطفي حال قيامه بتكميم المتوفاه إلى رحمه مولاها وخنقه لها محاولا ازهاق روحها؟
ج/ايوة.
س/ وما علاقتك بالاحراز التي تم عرضها عليك؟
ج/هو اللاصق دا اللي كنا اخدينه معانا ودي الهدوم اللي كانت لبساها نورهان والمطواه دي بتاعة مصطفي و معرفش حاجه عن بقية الحاجات.
س/ما الذي حدث عقب ذلك؟
ج/انا روحت واتفاجئت بالمباحث جت مسكتني من البيت.
س/امتي تم ضبطك تحديدا؟
ج/اليوم القتل بعد نص الليل معرفش الساعه كام.
س/ومن القائم بضبطك ؟
ج/معرفش اللي مسكوني.
س/هل من ثمة تفتيش انصرف الي شخصك او مسكنك انذاك ؟ ج/ايوة.
س ما الذي اسفر عنه ذلك التفتيش؟
ج/ملقوش معايا حاجه.
س/ وما طبيعة علاقتك بالرائد/احمد المسيري وهل من خلافات؟ ج/مفيش علاقه ولا خلافات.
س/ما قولك فيما سطره سالف الذكر بمحضر تحرياته المؤرخ؟
س/ من ضبطك والمتهمان مصطفي خميس عبد النبي محمد، نورهان الجميل وارشادك عن الأدوات المستخدمة في ارتكاب الواقعة واقرارکم بارتكاب الواقعة؟
ج/الكلام دا محصلش.
س/ ما تعليلك لما سطره سالف الذكر من ضبط مبلغ الف جنيه ونصل كتر حوزتك؟
ج/ الكلام دا محصلش انا جريت ومخدتش حاجه. سانت متهم واخرين بقتل المجني عليها نجلاء نعمة الله سعيد مع سبق الإصرار والترصد بأن بيتم النية وعقدتم العزم على ازهاق روحها واعددتم لذلك الاسلحة والأدوات المضبوطه وتوجهت لمحل عملها بعد ان ايقنتم سلفا بتواجدها فيه بمفردها وقمتم بخنقها وكتم انفاسها وشل حركتها متعدين عليها بالضرب محدثين ما بها من إصابات مما اودي بحياتها علي النحو المبين بالتحقيقات؟
ج/ مامحصلش.
س/ انت متهم بسرقة المنقولات والمبالغ الماليه المبينه وصفا وقدرا بالاوراق والمملوکه للمتوفاه الي رحمة مولاها كرها عنها بالاشتراك واخرين حال حملكم اسلحه علي النحو المبين بالتحقيقات؟
ج/محصلش.
س/ انت متهم باحراز وحيازة أسلحة بيضاء (مقص ،سکين ، کتر) دون مسوغ من الضروره المهنية والحرفيه بقصد استعاملها في ارتكاب الجريمتين محل الاتهامين السابقين علي النحو المبين بالتحقيقات؟
ج/محصلش .
س/ انت متهم باتلاف الكاميرا المملوكة للمجني عليها عبد الحميد محمد عبد الحميد عمدا وترتب على ذلك ضررا ماليا قيمته أكثر من خمسين جنيه؟
ج /محصلش.
س/هل لديك اقوال اخري؟
ج/لا
اقرأ أيضا | افتتاح مسجدين بتكلفة 4 مليون جنيه بالبحيرة