حلمي عبدالباقي يهاجم روبي: «الفنانين اللي بجد قاعدين في البيت»

هاجم الفنان حلمي عبد الباقي، الفنانة روبي، بسبب طريقتها في غناء الحفلات.
ونشر حلمي عبد الباقي مقطع فيديو لروبي في أثناء إحيائها إحدى الحفلات، عبر صفحته الفنية على موقع التواصل الاجتماعي فيسبوك، وعلق عليه قائلًا: «اتفرجوا هي دي الناس اللي بتشتغل فن والناس المحترمة والفنانين اللي بجد قاعدين في بيوتهم أنا خلاص مبقتش اتكسف أقول أي حاجة على أي حد أيًا كان».
واختتم حلمي حديثه عن روبي، قائلًا: «عاوز أعرف مين اللي اداها كارنيه نقابة وكمية النشاز اللي والله لو حد معندوش فكرة مش هيعمل ده سامحوني أنا آسف لأني زهقت خلاص للعلم دي الفنانة العظيمة روبي».
وأحييت روبي حفلًا في مدينة العلمين الجديدة ضمن فعاليات مهرجان العالمين الموسيقي، واشترطت في حفلها عدم حضور مَن هم دون سن 15 عامًا، وتنوعت فئات التذاكر حتى وصلت ل 2000 جنيه، وتعيش روبي في حالة نشاط فني في الفترة الحالية، حيث أنها أحيت العديد من الحفلات في منطقة الساحل الشمالي.
جدير بالذكر أن روبي كانت قد طرحت عدد من الأغاني السينجل منها أنا لو زعلانة وحتة تانية بالتعاون مع المنتج وليد منصور، كما تعاقدت مع المنتج محمد رشيدي لطرح ميني ألبوم جديد حمل اسم على سهوة ويضم 5 أغاني، وطُرح منهم حتى الآن أغنية قلبي بلاستيك وأمك وأبوك.