بعد تسلمه جثمان «هيثم».. رسائل حب وتقدير من الفنانين لأشرف زكي

بعد رحيل الفنان الشاب هيثم أحمد زكي؛ قام الدكتور أشرف زكي نقيب المهن التمثلية باستلام جثمانه من مشرحة زينهم واستخراج تصريح الدفن؛ حتى يصل هيثم إلى مثواه الأخير.
وبعد هذا الموقف الإنساني، عبر الفنانون عن حبهم له من خلال كتابة رسائل له عبر حسابتهم الشخضية على مواقع التواصل الاجتماعي.
وقال الفنان الشاب أحمد صلاح حسني: " بجد الأستاذ أشرف زكي ده حاجة فوق الوصف قمة في الاحترام والرجولة والجدعنة أخ للجميع بعيدا عن مكانته في الوسط الفني.. فعلا شخصية محترمة وحب الناس له مش من فراغ وإن شاء الله ربنا يضع كل ده في ميزان حسناته".
وعبرت الفنانة إيمي طلعت ذكريا عن حبها له، وقالت" الرجل شغال دينامو بجد ربنا يجازيه خير على كل حاجة حلوة بتعملها مش بتلحق ترتاح .. كل يوم تفقد حد عزيز وعارفة أنك مقصرتش ولا هتقصر وكنت صاحب وعشرة وعمرة ودراسة وعمر مع بابا مش علشان كده .. أنت فعلا انسان خلوق يا دكتور ويا بخت نقابتنا بيك مفيش كبير أو صغير احتاجه وملاقهوش .. ربنا يحفظك يا دكتور".
والتقطت ناهد السباعي أطراف الحديق قائلة: " اتأخرت الجنازة علشان مفيش حد من أهله موجود يستلمه، مفيش غلب أكتر من كده خبر أوحش من خبر وفاته عاش وحيد ومات وحيد جمهوره وأصحابه هما أهله دلوقتي أرجوكم ادعو له كتير في أول ليلة له في القبر النهاردة ياريتك حسيت بالحب والوجع اللي مصر كلها فيه وأنت عايش بنا يا حبيبي، وبجد شكرا دكتور أشرف زكي على جهوده وتعبه لاستخراج تصاريح الدفن وكل حاجة".