أول تعليق من أسما شريف منير على أزمة «الشيخ الشعراوي»

بعد تصريحاتها المسيئة..

حالة من الجدل أثارتها الإعلامية أسما شريف منير، خلال الساعات القليلة الماضية، بسبب تصريحاتها المسئية للشيخ الراحل محمد متولي الشعراوي.
وروت أسما ما حدث في تصريح خاص ل "بوابة أخبار اليوم" قائلة: " حصل بينى وبين شخص حوار أسأت فيه التعبير عن اللي عايزه أقوله و حساه، أتفهم فهم كلامى على أنى انتقد فضيلة الشيخ متولي الشعراوي، انا بتكلم من غير ما بحسب كلامي، و أنا مقصدش بأي حال من الأحوال أني أغلط أو يوصل كلامي بشكل غلط كدة، أنا مش بقيم فضيلة الأمام، أنا عموما عمري ما أحب أغلط في حد".
وأضافت أسما: "أنا بعتذر جدًا جدًا عشان أنا لم أستطع أن أحسن التعبير واختيار الكلمات الصحيحة، وده يمكن عشان لسه بتعلم وعدم إدراك، أنا لسه بتكلم علي طبيعتي زي أول يوم قررت إني أظهر على السوشيال ميديا، بس دلوقتي لازم أخد بالي من كل كلمه بقولها عشان كل حاجه بتتحسب عاليا وده جديد عليا".
وبررت أسما قائلة: "كنت بدور عن مرجع ديني و دروس دينية عشان أفهم بشكل مبسط و عشان أفهمه كنت محتاجة حاجة تناسب استيعابي، و الشيخ الشعراوي أعمق من قدراتى لأني في حاجات فعلاً مفهمتهاش، وأنا مبتدئة بحاول اتعلم و اقرب أكتر من ربنا، و عموما أنا بعتذر فعلا عن ذلت لساني وكلمتى..و حقيقي إنى اكن للشيخ الشعراوى كل احترام وتقدير رحمه الله وجزاه كل خير."
جدير بالذكر أن أسما تقوم الأن بتقديم برنامج فني بعنوان "أنا وبنتي" مع والدها الفنان شريف منير، عبر شاشة on tv.