استمتع بعيد الفطر في المدينة التي لا تنام في 12 مكانًا

القاهرة هي المدينة التي لا تنام، فنجدها دائمًا حافلة بالاحتفالات في الأعياد الرسمية والمناسبات، دائمًا متألقة في تزينها وشكلها، وبأماكنها التي تجذب الناس لزيارتها خاصةً في أيام الأعياد.
فيما يلي أهم وأشهر الأماكن التي تزخر بالزائرين في الأعياد:
1- برج القاهرة – الزمالك:
من الاماكن المميزة للخروج في القاهرة، موجود فى جزيرة الزمالك بنهر النيل، وتم تصميمه على شكل زهرة اللوتس المصرية، وبيتكون من 16 دور ممكن نشوف القاهرة كلها في لحظة واحدة من المنظار المكبر، و هتلاقوا فيه المطعم الدائري و كمان فيه فى الدور ال15 كافيتريا بتقدم العصائر والمشروبات، مفتوح من الساعة التاسعة صباحًا إلى الواحدة صباحًا، وأسعار التذاكر: 20 جنيه للمصريين والأطفال أكثر من 6 سنين.
2- المراكب النيلية:
المراكب الثابتة والمتحركة مثل«النايل سيتي، سكرابيه، فرعون النيل، النايل كريستال، أرمادا، نايل سيتي، نايل مكسيم، الباشا، نايل لي لي وبلو نايل».
3- مجمع الكافيهات:
ومجمعات الكافيهات مثل«تيفولي دوم بفرعيه في مصر الجديدة و6 أكتوبر، أمريكانا بلازا في 6 أكتوبر، بلوبلو بالمنيل، ذا ديستركت وأواسيس بمساكن شيراتون، بلاتفورم بالمعادي وإميرالد أمبير في التجمع الأول بالقاهرة الجديدة».
4- كيدزانيا – القاهرة الجديدة:
تعتبر كيدزانيا متنزه عالمي للتعليم الترفيهي للأطفال، ومصممة بالظبط زى المدن الحقيقية توفر فرصة للأطفال من سن 4 إلى 14 للعب الأدوار اللى هيوصلوا لها لما يكبروا و يشتغلوا، المدينة دلوقتى كمان بتقدم برامج ترفيهية للكبار و تعتبر مكان مناسب جدا للعائلات ، وبتستقبل المدينة الزوار مرتين في اليوم من الساعة الحادية عشر صباحًا ولحد الرابعة مساءً، أو من الخامسة مساءً ولحد العاشرة مساءً، وأسعار التذاكر الأطفال أقل من 4 سنوات 100ج، من4 حتى 14 سنة 130 ج، والمرافقين البالغين 85 جنيه.
5- قرية فجنون – مساكن شيراتون، الهرم:
فجنون من الأماكن النادرة في مصر للترفيه والتعليم،يستمتع فيها الكبار و الصغار لان بها أنشطة كثير مثل « التلوين على الحيط أو اللعب بالطين»، كما يمكن للأطفال يختاروا ما بين الركوب على ظهر الخيل أو الحمار أو الجمل، وبيستقبل المكان الناس من التاسعة صباحًا حتى الخامسة مساءً، أما عن الأسعار فتتراوح ما بين “30: 50ج للنشاط الواحد”، فجنون أواسيس «50 ج للفرد شاملة الدخول ونشاط واحد، 35ج لأي نشاط إضافي”، فجنون أرت بالمريوطية: 40ج للفرد شاملة الدخول ونشاط واحد، 30 لأي نشاط إضافي، فجنون فلاح بالمنصورية “30ج للفرد شاملة الدخول ونشاط واحد، 25 لأي نشاط إضافي».
6- أدرينالين بارك – 6 أكتوبر:
لو عايزين مكان للخروجه كلها حيوية ونشاط, يبقي ده اختيار هايل لكم، أدرينالين بارك هو مكان مفتوح من الأماكن المتخصصة في توفير ألعاب حرب الألوان “Paintball”، وبيتم اللعب عن طريق تكوين فرق “مجموعات” مش بتقل عن 8 أفراد، المكان مفتوح من الساعة الثانية عشر مساءً لحد التاسعة مساءً، وسعر الفرد 150 جنيهًا شامل “الزي، المسدس، الطلقات”، وعدد الطلقات 100 طلقة، إضافة إلى حروب الليزر والألعاب المائية “الأكوا” وهي آمنة للأطفال من سن 3 سنوات.
7- سمارت كامب – العبور:
ممكن تقضى يوم جميل مع اصحابك ، وممكن تتزحلق على الرمال لمدة ساعة كاملة، وملعب كرة الصابون لمدة ساعة كاملة، والكرة الطائرة مفتوحة المدة، وكرة القدم، وكرم القدم الأمريكية، وكرة السرعة، والبينج بونج في صالة مغطاة، ويشترط الحجز المسبق على الأقل بيومين ولازم عدد المجموعة متقلش عن 20 فردًا، وسعر الفرد 120ج، ولو كان عدد الأفراد من 50:30 بيكون سعر الفرد 100، بخلاف ركوب الخيل 30ج.
8- شارع المعز – الحسين:
من اجمل مناطق القاهرة, منطقة الأزهر والحسين فيها كثير من الأماكن اللي ممكن نستمتع بيها بأقل التكلفة، زى شارع المعز في الحسين ومنطقة الأزهر، و فيها الكثير البيوت الثقافية اللى بيتعمل فيها الندوات والحفلات بأسعار تتراوح من “5ج: 30ج” زى بيت السناري وبيت السحيمي، ووكالة الغوري، وقبة الغوري، وبيت زينب خاتون.
9- كريزي ووتر – الشيخ زايد:
مدينة الألعاب المائية كريزي ووتر من اكبر و اقدم مدن الألعاب المائية في مصر مليانة حدائق الخضراء، وألعاب الفيديو جيم، وسباق السيارات، وألعاب الليزر الشيقة، وحديقة الألعاب المبهرة، مفتوحة من العاشرة صباحًا ولحد السادسة مساءً، وسعر التذكرة: 65 جنيهًا، الأطفال أقل من 3 سنوات مجانًا.
10- أفريكا سفاري بارك:
هي عبارة عن حديقة للحيوانات فى شكل غابة أو سفاري،يعنى ممكن تتمشى فيها بين الحيوانات بالسيارات و ساعات ممكن تتمشى على رجليك ، وده حسب خطورة الحيوانات، وفيها كثير من الحيوانات الأليفة والمتوحشة وأنواع كثيرة من الطيور و شوية أنواع من الحيوانات النادرة، وموجودة في الكيلو 65 طريق “الإسكندرية – القاهرة” الصحراوي، وشغالة من الساعة التاسعة صباحًا حتى الرابعة عصرًا، ورسم دخول السيارة الملاكي 400 جنيهًا.
11- قرية العزبة – الهرم:
طريق سقارة السياحي- ترعة المريوطية، ممكن تقضى يوم وتستمتع بحمام السباحة شامل الإفطار والغذاء بسعر 130 جنيهًا، من الساعة الثامنة صباحًا و لحد الثامنة بليل ، و فيها ملاعب كرة، وملاهي أطفال وخيمة عربية و الخيول.
12- سكيت ماكس – 6 أكتوبر
موجود فى سيتي سكيب مول، و ممكن تستمتع بالتزلج على الجليد من الساعة العاشرة صباحًا لحد الثانية عشر بليل، ب25 جنيهًا للفرد لمدة 15 دقيقة، و40 جنيهًا للفرد لمدة 30 دقيقة، و60 جنيهًا للفرد لمدة 60 دقيقة.