حلّت الفنانة فيفي عبده ضيفة على برنامج كلام الناس، المذاع على قناة إم بي سي مصر، وتقدمه الاعلامية ياسمين عز. فيفي عبده وياسمين عز وقالت ياسمين عز لفيفي عبده: 'أنا شايفة أن الراجل أحلى حاجة في الدنيا'، وردت عليها فيفي قائلة: 'لا طبعا مش أحلى حاجة.. انتي نحنوحة أوي يا ياسمين'. وتابعت فيفي عبده حديثها قائلة: 'في حاجات غير الراجل في الدنيا حلوة'. وتحدثت فيفي عبده في البرنامج قائلة: أنا متعودة طول عمري أروح البحر أقرأ قرآن وأنا واقفة بنزل سبع موجات ورا بعض من غير ما خد نفسي علشان أغسل همومي وبتفائل بيها'. وأضافت فيفي عبده قائلة: 'جالي فترة قعدت كذا سنة مش بشتغل وكان عندي حالة اكتئاب ووزني زاد، وروحت مارينا ووقفت في المياه وبصيت لربنا وقلت له وحياة موجك تنصفني على كل اللي ظلموني وحياة ربنا طلعت من المياه لقيت المنتج طالبني وكتبت على اسمه بسم الله الرحمن الرحيم بعد ما طلعت من السبع موجات'. فيفي عبده وأشارت عبده في كلامها، أنها منذ تجسديها شخصية كيداهم في مسسلسل 'كيد النسا'، وحياتها العملية تغيرت للأحسن. وأكملت: 'المنتج قال لي سمية الخشاب معايا وعملنا كيداهم واتفتحت الدنيا ما شاء الله كان مسلسلي نمرة واحد، وبعدين عملت مولد وصاحبه غايب مع هيفاء، ومسلسل كيداهم كل كلامي في المسلسل تأليفي عملت شخصيتي الطبيعية، لأن أنا تركيبتي وشخصيتي كده. وكانت فيفي عبده أبدت رأيها في حديث الإعلامية ياسمين عز عن الرجال وضرورة تقدير السيدات لهم، وذلك خلال حلولها ضيفة عليها في برنامج كلام الناس، المذاع عبر قناة ام بي سي مصر. فيفي عبده وياسمين عز وقالت فيفي عبده في حديثها: 'إنتي بتحبي الرجالة وكل الستات ضد الموضوع ده، إيه الحكاية يا ياسمين؟'. وأجابت ياسمين عز قائلة:'شفنا في العصر اللي إحنا فيه الست بتفضح الراجل على السوشيال ميديا، علشان كدة بدأنا ننتبه إن لازم ناخد بالنا من علاقة الرجل والمرأة'. وأضافت ياسمين قائلة:'كل اللي قلته الست تاخد بالها من الراجل وتعامله سي السيد، ولما يتعصب تسيبه يهدى وتقول له حاضر، هل كدة يسيء لها في شيء، لقيتهم بيقولوا إني بكده بخلي الست شخصيتها ضعيفة'. وردت عليها فيفي عبده قائلة:':أنا شخصيتي قوية، لكن أنا طول عمري بقول الراجل سي السيد، هو لما يبقى شرّابة خرج هيملى عينيا، لازم يكون سي السيد في البيت وبره البيت'.
