وجه الدكتور أشرف صبري، والد الفنانة ياسمين صبري، هجومًا عنيفاً جديداً ضدها، بعد أيام من تصريحاتها ضده في حديثها مع الإعلامي أنس بوخش. ياسمين صبري ووالدها ونشر أشرف صبري عبر حسابه الشخصي بموقع التواصل الاجتماعي "فيسبوك"، مجموعة صور من حفل خطوبة ياسمين صبري من زوجها الأول، وعلق قائلا: "بعد ما سمعت أكاذيب بنتي اللي ربيتها في بيتي وكانت صاحبة البيت وعندها شغالة وقدرت تطعن ابوها في ضهره، أصدقائنا كانوا بييجوا البيت بيشوفوها ولما كبرت جيبتلها عربية". وتابع: "ياريت الناس اللي يعرفونا وجم بيتنا يردوا ويقولوا ياسمين كانت عايشة في بيتي إزاي في كل مراحلها، وإزاي اتخطبت وعملتلها أجمل حفلة ودي صورها.. الكدب ده بيبرر بالنسبة لها سبب عدم حضورها فرح أخوها.. ولو أب اهتم بفرح ابنه وزعلان إن اخواته ما جوش مش هيهتم ببنته؟ أنا عملت لها حياة كريمة راقية ومحترمة". وأضاف والد ياسمين صبري: "ما كنتش فاكر إن الرد هيكون كده، والسر اللي الناس ما تعرفوش إنها اتطلقت من الراجل المحترم الدكتور ده بسبب أمها، لأنه حكالي وقالي أمها خربت بيتنا". اقرأ أيضا 10 تصريحات من ياسمين صبري في برنامج ABtalks : "كنت بتضرب بالشبشب ومليش علاقة بوالدي" (فيديو) واختتم قائلا: "اتجوزت من ورايا وبدون علمي بعد التربية اللي عملتهالها، وعشان كده انا مش معترف بجوازها اللي من ورا ضهري ده.. حسبي الله ونعم الوكيل". اقرأ أيضا أول رد فعل من ياسمين صبري بعد هجوم والدها عليها وكانت الفنانة ياسمين صبري صرحت مؤخرا في لقاء مع الإعلامي أنس بوخش، ببرنامج ABTalks ، أن جدها وجدتها لوالدتها هما من تولا تربيتها، وأشارت إلى أن والدها انفصل عن والدتها عندما كان عمرها عامين، وبأنها لم تر غير والدتها وجدها وجدتها من ناحية الأم. وتابعت: "مفيش علاقة بيني وبين والدي، لكن الانفصال مش سبب لأن الناس بتاخد اختيارات في حياتها، وفي ناس بتختار تتحمل مسؤولية وتكمل للآخر وناس تانية بتختار نفسها". ودبت الخلافات بين ياسمين صبري ووالدها بعدما شن الأخير هجوما عليها بعد غيابها هي وشقيقتها وأمهما عن زفاف نجله، وكتب عبر فيسبوك: "ربنا بيدي أم ما خلفتش وبيدي اخوات أحن من اخواتك، وربنا يخلي أيامك كلها سعادة يا ابني وحب ولا وجود في حياتنا لناس ليس لهم قيمة في حياتنا، فملأت قلوبهم حقد وكره فقط لأن بقى معاهم فلوس. فعلا الفلوس بتغير النفوس وبتسود قلوب".
