شيكابالا يبكي على الهواء: "بيوصولوا للناس حاجات غلط عني وأنا مش كده.. وجماهير الأهلي بتحبني"

دخل اللاعب محمود عبد الرازق شيكابالا، لاعب نادي الزمالك، في نوبة بكاء، بعد عرض تقرير تلفزيوني يرصد أراء بعض الجماهير سواء الزملكاوية أو مشجعي النادي الأهلي، عن كابتن القلعة البيضاء، وذلك تعبيرًا عن سعادته بآراء الجمهور.
وقال شيكابالا في حواره مع الإعلامي عمرو أديب في برنامج « الحكاية » المذاع على قناة « إم بي سي مصر »، «مبسوط أن جماهير نادي الزمالك بتتكلم عني كده».
وأضاف شيكابالا: «بيوصَّلوا للجماهير حاجة مش صح، ولاعيبة الأهلي أصحابي، وجماهير الأهلي اللي بتقابلني في الشارع عارفة أني أنا مش وحش، وجمهور الأهلي في أسوان عارفاني كويس، وجمهور الزمالك كبير وعظيم، ومش هيبقى في كورة في مصر بدون الزمالك، ومتقلوش الإسماعيلي بيفوت لأنه نادي كبير وطلَّع ناس كبير، ولو هتتهمونا أننا خدنا الدوري بالتفويت خدوه مش عايزينه"، ليعلق عمرو أديب: "خدوا إيه دا الدوري بتاعنا، والحلوة خوخة جت بعد دوخة، دا أنا شعري طار، وجمهور الأهلي بيحبك».
واحتفل نادي الزمالك بالحصول على لقب الدوري المصري الممتاز لموسم 2020-2021، للمرة الأولى منذ 6 سنوات وال 13 في تاريخ النادي، بعدما قدّم مردودا إيجابيا على مدار الموسم الحالي، واعتلى صدارة جدول الترتيب برصيد 80 نقطة.
اقرأ أيضا شيكابالا عن تتويج الأهلي بالدوري 42 مرة: "هما عارفين أخدوه إزاي..ومفيش زملكاوي مش بيفهم في الكورة"