قالوا اللحمة متوفرة فى المجمعات من فرحتى فى بلدى عنها سألت قالوا يعنى ايه اللى اسمها مجمعات *** يا ناس قريت وسمعت تصريحات قالوا مشفية لوز من غير شغتات كل الجرايد كتبت كتير عن اللحمة قالوا لا تصدق الجرايد والمجلات *** انا شميت الشوربة من المانشيتات قالوا وفروها لنا فى كل المحافظات ياما زغردت معدتى لضيف كل سنه منيت نفسى بمناب كبير معاه امنيات *** قالوا الكلام ده بس فى تلات محافظات القاهرة والجيزة ام السياحة والاهرامات فى اسكندرية اللحمة المدعومة متوفرة عندنا طلع انه كلام جرايد كله اشاعات *** يامسئولين مصر دى كل القرى والنجوع اللحمه يوم فى السنة تنسينا كلنا الجوع كفانا منكم كلام والبطون منكم حزينه اللحمة بتجدد شبابنا ترمم العضم والضلوع *** ربنا يعوض علينا حتى لو بفرخه منها الشوربة وتفرح القلب فرحه والسنة الجايه يبقى كلامكم صدق نهديكم من زادنا وعيشتنا كام بلحه *** قدام اللحمة فى عيون الاهل احزان الكل بيتحسرياولداه على اسعار زمان بعد الكيلو حتة دهن زياده للشوربه كانت البركة تشوفها كمان فى الميزان *** كنت تشم ريحة اللحمة من بعيد لبعيد تحس بالفرحة والنشوة كانه يوم عيد تنسى همومك ودماغك تبقى فى العالى بعدها بدقيقة يرجع شبابك كأنه جديد *** إشاعات .. اشاعات .. إشاعات بلدنا لا فيها شوادر ولا مجمعات واسعار حرقت جيوبنا صعبة علينا اكتفينا بكرشة ومنبار وماسورات *** عموما كل سنة وكلنا لبلدنا عاشقين كل سنه واحنا من العايدين الفائزين نبطل الاعتصامات ونرفض الوقفات نعرق للانتاج نكون بقدرنا راضيين قولوا فى سجودكم آمين.. آمين ***